(VOVWORLD) -ວັນທີ 7 ກັນຍາ 1945, ວິທະຍຸກະຈາຍສຽງ ຫວຽດນາມ (VOV) ໄດ້ອອກອາກາດລາຍການກະຈາຍສຽງທຳອິດ ດ້ວຍພາສາ ຫວຽດ, ພາສາອັງກິດ ແລະ ພາສາ ຝລັ່ງ. ໃນລາຍການນັ້ນ, ສຽງເວົ້າອັນຊອບທຳຂອງປະຊາຊົນ ຫວຽດນາມ, ຂອງປະເທດ ຫວຽດນາມ ເອກະລາດ, ຄວາມມຸ່ງຫວັງສັນຕິພາບ, ເສລີພາບ ໄດ້ສົ່ງເຖິງພໍ່ແມ່ປະຊາຊົນຢູ່ພາຍໃນປະເທດ ແລະ ເພື່ອນມິດ, ປະຊາຊົນສາກົນ. ນັບແຕ່ນັ້ນມາຮອດປັດຈຸບັນ, VOV ມີການປ່ຽນແປງ ແລະ ພັດທະນາຢ່າງບໍ່ຢຸດຢັ້ງ, ຮ່ວມເດີນທາງພ້ອມກັບປະເທດຊາດຜ່ານຫຼາຍໄລຍະປະຫວັດສາດທີ່ລຳບາກກາກກຳ ແລະ ເຕັມໄປດ້ວຍສິ່ງທ້າທາຍ ແຕ່ກໍ່ສະຫງ່າອົງອາດ.