( vovworld ) – ຕອນບ່າຍວັນທີ 24/4, ກອງບັນຊາການທະຫານປ້ອງກັນຊາຍແດນໄດ້ພົບປະກັບຄະນະຜູ້ແທນບັນດາເຈົ້າກົກເຈົ້າເຫຼ່ົາ, ນາຍບ້ານ, ຜູ້ມີອິດທິຜົນຊື່ສຽງໃນແຂວງ Ha Giang ເນື່ອງໃນໂອກາດຄະນະມາຢ້ຽມຢາມຮ່າໂນ້ຍ. ທີ່ການພົບປະ, ທ່ານພົນຈັດຕະວາ Nguyen Xuan Quang, ຫົວໜ້າການເມືອງ, ກອງບັນຊາການທະຫານປ້ອງກັນຊາຍແດນ ໄດ້ຍົກໃຫ້ເຫັນບັນດາການປະກອບສ່ວນຫຼາຍຢ່າງຂອງປະຊາຊົນບັນດາເຜົ່າໃນເສັ້ນຊາຍແດນແຂວງ Ha Giang, ໃນນັ້ນໄດ້ເນັ້ນໜັກເຖິງບົດບາດຂອງເຈົ້າກົກເຈົ້າເຫຼ່ົາ, ນາຍບ້ານ ແລະ ຜູ້ມີອິດທິຜົນຊື່ສຽງ 34 ຄົນຢູ່ເຂດສາຍແດນ.
“ Ha Giang ຍັງປະສົບກັບຄວາມຫຍຸ້ງຍາກຫຼາຍຢ່າງ ແຕ່ໃນສະພາບການໃດກໍຕາມ, ເຈົ້າກົກເຈົ້າເຫຼ່ົາ ແລະ ນາຍບ້ານທັງໝົດ 34 ຄົນ ຈະສືບຕໍ່ເສີມຂະຫຍາຍອິດທິຜົນຊື່ສຽງຂອງຕົນ ຂົນຂວາຍພໍ່ແມ່ປະຊາຊົນໃນບ້ານ, ຕາແສງ, ວົງຕະກຸນຂອງຕົນມີຄວາມຈົ່ງຮັກພັກດີຕໍ່ພັກ ແລະ ລັດ ແລະ ຕິດພັນກັບທະຫານປ້ອງກັນຊາຍແດນເພື່ອປົກປັກຮັກສາຫຼັກໝາຍຊາຍແດນ ແລະ ຄວາມສະຫງົບປອດໄພຢູ່ໃນໝູ່ບ້ານ ”.
