( vovworld ) - ວັນທີ 11/6, ຢູ່ສູນກອງປະຊຸມແຂວງ ກວາງນາມ ໄດ້ດຳເນີນກອງປະຊຸມປະຈຳປີລະຫວ່າງແຂວງກວາງນາມ - ເຊກອງ ປີ 2012. ທີ່ກອງປະຊຸມ, ຄະນະຜູ້ແທນຂັ້ນສູງແຂວງເຊກອງ ແລະ ກວາງນາມ ໄດ້ແຈ້ງໃຫ້ຊາບກ່ຽວກັບສະພາບເສດຖະກິດສັງຄົມກໍ່ຄືໝາກຜົນການຮ່ວມມືລະຫວ່າງແຂວງກວາງນາມ ແລະ ເຊກອງ ພາຍຫຼັງກອງປະຊຸມປະຈຳປີ 2011 ຢູ່ເມືອງ ລະມາມ ແຂວງເຊກອງ, ປຶກສາຫາລືທິດທາງການຮ່ວມມືໃນໄລຍະທີ່ຈະມາເຖິງ. ມາຮອດປະຈຸບັນ, ສອງຝ່າຍໄດ້ສົມທົບກັນສຳຫຼວດ 60/60 ຈຸດປັກຫັຼກໝາຍຊາຍແດນ, ກໍ່ສ້າງໄດ້ 48 ຫັຼກໝາຍ, ບັນລຸ 80% ຂອງແຜນການ ແລະ ສູ້ຊົນສຳເລັດວຽກງານປັກຫຼັກໝາຍຊາຍແດນໃນປີ 2012 . ກຳລັງທີ່ກ່ຽວຂ້ອງຂອງສອງແຂວງຢູ່ດ່ານຊາຍແດນ ນາມຢາງ - ດັກຕາອອກ ໄດ້ສ້າງເງື່ອນໄຂສະດວກໃຫ້ແກ່ການນຳເຂົ້າ ແລະ ສົ່ງອອກສິນຄ້າ, ປະກອບສ່ວນຊຸກຍູ້ການພົວພັນດ້ານການຄ້າລະຫວ່າງສອງປະເທດຢ່າງຕັ້ງໜ້າ. ສອງແຂວງໄດ້ປະສານສົມທົບກັນສ້າງບັນດາຮູບແບບກະສິກຳ ປ່າໄມ້ ຢູ່ແມືອງ ດັກຈຶງ - ກະລຶມ, ຈັດຕັ້ງຊຸດຝຶກອົບຮົມດ້ານເຕັກນິກສ້າງຮູບແບບກະເສດສູມປູກເຂົ້າ, ສາລີ, ເຂົ້າໜຽວ, ພືດຜັກສະນິດຕ່າງໆ… ແຂວງກວາງນາມ ໄດ້ ແລະ ພວມສ້າງເງື່ອນໄຂສະດວກໃຫ້ແກ່ນັກສຶກສາລາວ 65 ຄົນຂອງແຂວງເຊກອງ ມາຮໍ່າຮຽນຢູ່ບັນດາວິທະຍາໄລ ແລະ ມະຫາວິທະຍາໄລ.
