ກອງປະຊຸມຄະນະບໍລິຫານງານຄັ້ງທີ 8, ອົງຄະນະພັກບັນດາອົງການສູນກາງ.
(vovworld) - ຕອນເຊົ້າວັນທີ 13/4, ຢູ່ ຮ່າໂນ້ຍ, ອົງຄະນະພັກບັນດາອົງການສູນກາງ ໄດ້ຈັດຕັ້ງກອງປະຊຸມຄະນະບໍລິຫານງານຄັ້ງທີ 8, ຕີລາຄາໝາກຜົນການປະຕິບັດງານໃນໄຕມາດທີ 1 ແລະ ຜັນຂະຫຍາຍໜ້າທີ່ໃນໄຕມາດທີ 2. ໃນໄຕມາດທີ 1, ອົງຄະນະພັກບັນດາອົງການສູນກາງບັນລຸໄດ້ຜົນງານຕ່າງໆຄື: ການຜັນຂະຫຍາຍການປະຕິບັດບັ້ນຂົນຂວາຍ ”ຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ” ສືບຕໍ່ໄດ້ຮັບການຍູ້ແຮງ, ວຽກງານກໍ່ສ້າງພັກ ແລະ ຜັນຂະຫຍາຍມິຕິຂອງຄະນະບໍລິຫານງານອົງຄະນະພັກບັນດາອົງການສູນກາງກ່ຽວກັບ ”ຍົກສູງຄຸນນະພາບການດຳເນີນຊີວິດໃນໜ່ວຍພັກ” ອັນໄດ້ສ້າງເປັນກຳລັງຕໍ່ສູ້ຂອງບັນດາອົງການຮາກຖານພັກ, ຍົກສູງຄຸນນະພາບຖັນແຖວພະນັກງານ, ສະມາຊິກພັກ. ພິເສດ, ອົງຄະນະພັກບັນດາອົງການສູນກາງ ໄດ້ຈັດຕັ້ງກອງປະຊຸມຕ່າງໆ, ວາງແຜນການເພື່ອຊາບຊືມ, ຜັນຂະຫຍາຍການປະຕິບັດມະຕິຄະນະບໍລິຫານງານສູນກາງພັກຄັ້ງທີ 4 ກ່ຽວກັບບັນຫາອັນຮີບດ່ວນຈຳນວນໜຶ່ງໃນການກໍ່ສ້າງພັກ.
