( vovworld ) – ຕອນເຊົ້າວັນທີ 6/4, ຄະນະພັກກຸ່ມບັນດາອົງການສຳນັກງານຂັ້ນສູນກາງໄດ້ຈັດຕັ້ງກອງປະຊຸມສຳມະນາວິທະຍາສາດດ້ວຍຫົວຂໍ້ວ່າ “ ສືບຕໍ່ຍົກສູງຄວາມສາມາດຊີ້ນຳນຳພາ, ການຕໍ່ສູ້ຂອງບັນດາອົງການພັກຂັ້ນຮາກຖານ ແລະ ຄຸນນະພາບຖັນແຖວພະນັກງານ, ສະມາຊິກພັກໃນຄະນະພັກກຸ່ມບັນດາອົງການ ສຳນັກງານຂັ້ນສູນກາງຕໍໜ້າສະພາບການໃໝ່ ”. ທີ່ກອງປະຊຸມສຳມະນາ, ບັນດາຜູ້ແທນໄດ້ສຸມໃສ່ປຶກສາຫາລືບັນດາດ້ານດີ ແລະ ດ້ານອ່ອນພ້ອມກັນນັ້ນກໍນຳສະເໜີບັນດາມາດຕະການແຫ້ໄຂເພື່ອຍົກສູງຄວາມສາມາດຊີ້ນຳນຳພາ, ການຕໍ່ສູ້ຂອງອົງ ການພັກຂັ້ນຮາກຖານ ແລະ ຄຸນນະພາບຖັນແຖວພະນັກງານ, ສະມາຊິກພັກໃນຄະນະພັກກຸ່ມບັນດາອົງການສຳນັກງານຂັ້ນສູນກາງ. ກ່າວຄຳເຫັນທີ່ກອງປະຊຸມ, ທ່ານ Tran Hong Ha, ຮອງເລຂາຄະນະພັກກຸ່ມບັນດາອົງການສຳນັກງານຂັ້ນສູນກາງ ໄດ້ຊີ້ແຈ້ງເຖິງບັນດາສາຍເຫດພາໄປເຖິງຂໍ້ຈຳກັດກ່ຽວກັບຮູບແບບການຈັດຕັ້ງຂອງພັກ. ທ່ານກ່າວວ່າ
“ ຕາມຂໍ້ກຳນົດຂອງຄະນະເລຂາສູນກາງພັກ ກ່ຽວກັບບົດບາດໜ້າທີຂອງບັນດາອົງການພັກໃນບັນດາສຳນັກງານ, ຂະແໜງການຂັ້ນສູນກາງ, ຄະນະພັກບໍ່ຊີ້ນຳໂດຍກົງດ້ານວິຊາຊີບ ແລະ ວຽກງານພະນັກງານ ອັນໄດ້ພາໄປເຖິງບົດບາດຂອງຄະນະພັກ ຍັງບໍ່ທັນຮັບຖືເປັນສຳຄັນ ແລະ ໜ້າທີ່ວຽກງານກໍ່ສ້າງພັກໃນບັນດາອົງການສຳນັກງານບໍ່ທັນບັນລຸຕາມລະດັບ. ມີບາງຄະນະພັກ, ພະນັກງານສະມາຊິກພັກໃນອົງຄະນະພັກກຸ່ມບໍ່ທັນຖືວຽກງານພັກເປັນສຳຄັນ ”.
ທ່ານ Tran Hong Ha ໄດ້ຖືວ່າ, ການບູລະນະ, ຊັບຊ້ອນບັນດາອົງການພັກໃນກຸ່ມບັນດາອົງການສຳນັກງານຂັ້ນສູນກາງແມ່ນວິທີແກ້ໄຂອັນຖືກຕ້ອງເໝາະສົມກັບເງື່ອນໄຂສະເພາະຂອງກຸ່ມອົງຄະນະພັກ, ສາມາດແກ້ໄຂ, ຍົກສູງຄຸນນະພາບ ແລະ ປະສິດທິຜົນການເຄື່ອນໄຫວຂອງບັນດາອົງການພັກຂັ້ນຮາກຖານໃນການປະຕິບັດໜ້າທີ່ການເມືອງຂອງບັນດາກະຊວງ, ຄະນະ ແລະ ຂະແໜງການ.
