 ຄ້ຳປະກັນດ້ານສະບຽງອາຫານ ພາບປະກອບຈາກ internet |
(vovworld) - ຕອນເຊົ້າວັນທີ 10/3 ຢູ່ຮ່າໂນ້ຍ, ຄະນະກຳມະການສະເພາະກິດກ່ຽວກັບການຄ້ຳປະກັນດ້ານສະບຽງອາຫານ (AHC) ສົມທົບກັບ ຄະນະກຳມະການວາງແຜນການສາກົນກ່ຽວກັບການຄ້ຳປະກັນດ້ານສະບຽງອາຫານ (IPC) ໄດ້ຈັດຕັ້ງກອງປະຊຸມທີ່ປຶກສາບັນດາອົງການພົນລະເຮືອນພາກພື້ນອາຊີ ປາຊິຟີກ. ບັນດາຜູ້ແທນໄດ້ປຶກສາຫາລືກ່ຽວກັບສິ່ງທ້າທາຍສຳລັບການຄ້ຳປະກັນດ້ານສະບຽງອາຫານ ແລະ ທາດບຳລຸງຢູ່ພາກພື້ນອາຊີ ປາຊີຟີກ, ທ່າອ່ຽງການລົງທຶນ, ຄ້ຳປະກັນສະບຽງອາຫານ ແລະ ນ້ຳສະອາດໃນພາກພື້ນ, ບົດບາດຂອງຊາວກະສິກອນໃນການຜະລິດກະສິກຳ ແລະອື່ນໆ. ກ່າວຄຳເຫັນທີ່ກອງປະຊຸມ, ທ່ານ ຮ່ວາງວັນທັງ ຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດຫວຽດນາມ ໄດ້ເນັ້ນຫນັກວ່າ:
“ກອງປະຊຸມຄັ້ງນີ້ຈະປຶກສາຫາລືບັນດາບັນຫາບຸລິມະສິດທີ່ພວມສົ່ງຜົນສະທ້ອນເຖິງການຄ້ຳປະກັນດ້ານສະບຽງອາຫານ ແລະ ສະພາບການກະສິກຳຂອງພາກພື້ນ ພ້ອມທັງຍົກອອກບັນດາຂໍ້ສະເຫນີເພື່ອໃຫ້ອົງການອາຫານ ແລະ ການກະເສດຂອງສະຫະປະຊາຊາດ (FAO) ແລະບັນດານັກວາງແຜນນະໂຍບາຍຂອງພາກພື້ນສ້າງນະໂຍບາຍອັນຕັ້ງຫນ້າກວ່າ, ມານະພະຍາຍາມສູງກວ່າເພື່ອສຳເລັດເປົ້າໝາຍສະຫັດສະຫວັດ ຊ່ວຍຫລຸດຜ່ອນອັດຕາຜູ້ທຸກຍາກອຶດຫິວຢູ່ໃນໂລກລົງເຫລືອເຄິ່ງຫນຶ່ງໃນປີ 2015, ຕອບສະຫນອງຄວາມຮຽກຮ້ອງຕ້ອງການຂອງບັນດາເຂດຊົນນະບົດທີ່ຍັງປະສົບກັບຄວາຫຍຸ້ງຍາກ.”
