 ທ່ານຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ແລະ ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວ (ພາບ: VGP) |
ໃນຂອບເຂດການຢ້ຽມຢາມ ຫວຽດນາມ ຢ່າງເປັນທາງການຂອງລັດຖະມົນຕີກະຊວງການຕ່າງປະເທດລາວ ໃນລະຫວ່າງວັນທີ 23 – 27 ທັນວາ, ຕອນເຊົ້າວັນທີ 25 ທັນວາ, ທ່ານຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ແລະ ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວ ໄດ້ເປັນປະທານຮ່ວມຂອງກອງປະຊຸມປຶກສາຫາລືຂັ້ນລັດຖະມົນຕີ ແລະ ພົບປະແລກປ່ຽນລະຫວ່າງກະຊວງການຕ່າງປະເທດ ຫວຽດນາມ - ລາວ ປະຈຳປີ ຄັ້ງທີ 6 ຢູ່ ກ໋ວາງນິງ. ລັດຖະມົນຕີສອງທ່ານໄດ້ແລກປ່ຽນຢ່າງເລິກເຊິ່ງ, ແທດຈິງ, ສຸມໃສ່ເຂົ້າໃນການກວດກາຄືນໃໝ່ເນື້ອໃນການຮ່ວມມືໃນໄລຍະທີ່ຜ່ານມາ ແລະ ວາງອອກການກຳນົດທິດໃຫ້ແກ່ການພົວພັນລະຫວ່າງສອງປະເທດ ແລະ ສອງກະຊວງການຕ່າງປະເທດ ໃນໄລຍະຈະມາເຖິງ.
ລັດຖະມົນຕີສອງທ່ານໄດ້ເຫັນດີເປັນເອກະພາບຕີລາຄາວ່າ ປີ 2020 ຈະແມ່ນປີບານພັບສຳຄັນສຳລັບທັງສອງປະເທດ, ເພາະສະນັ້ນສອງປະເທດຕ້ອງຕັ້ງໜ້າ, ເປັນເຈົ້າການ ນຳການພົວພັນລະຫວ່າງສອງປະເທດ ຫວຽດນາມ - ລາວເຂົ້າສູ່ລວງເລິກ, ແທດຈິງກວ່າອີກ ໃນສະພາບການໂລກ ແລະ ພາກພື້ນພວມມີການຜັນປ່ຽນຢ່າງເລິກເຊິ່ງ ແລະ ສັບສົນ. ພາຍຫຼັງການພົບປະ, ທ່ານຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີການກະຊວງຕ່າງປະເທດ ຫວຽດນາມ ແລະ ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວໄດ້ລົງນາມໂຄງການກະທຳເພື່ອການຮ່ວມມືລະຫວ່າງ ກະຊວງການຕ່າງປະເທດ ຫວຽດນາມ ແລະ ກະຊວງການຕ່າງປະເທດລາວກ່ຽວກັບການຊຸກຍູ້ວຽກງານ ທາງການທູດດ້ານເສດຖະກິດໄລຍະ 2020 - 2025ໃຫ້ຫຼາຍກ່ວາອີກ.
