(vovworld) - ວັນທີ 7/6, ຢູ່ແຂວງ ນິນບິນ ໄດ້ດຳເນີນກອງປະຊຸມສຳມະນາ 3 ຝ່າຍເຊິ່ງລວມມີ ອົງການກວດສອບແຫ່ງລັດຫວຽດນາມ, ອົງການກວດສອບແຫ່ງຊາດລາຊະອານາຈັກ ກຳປູເຈຍ ແລະ ອົງການກວດສອບແຫ່ງລັດ ລາວ ຄັ້ງທີ 4 ດ້ວຍຫົວຂໍ້ວ່າ: “ຍົກສູງຄຸນນະພາບບົດລາຍງານການກວດສອບບັນຊີຂອງ ອົງການກວດສອບແຫ່ງລັດ”. ທີ່ກອງປະຊຸມສຳມະນາ, ບັນດາຜູ້ຊ່ຽວຊານ ໄດ້ພ້ອມກັນປຶກສາຫາລື ກ່ຽວກັບພຶດຕິກຳຕົວຈິງ ແລະ ບັນດາບົດຮຽນ ຂອງແຕ່ລະປະເທດໃນການຈັດຕັ້ງສ້າງ, ກວດກາ, ເປີດເຜີຍ ບົດລາຍງານກວດສອບບັນຊີ ໃນການຈັດຕັ້ງປະຕິບັດການເຄື່ອນໄຫວກວດຊອບບັນຊີ. ກອງປະຊຸມສຳມະນາ ໄດ້ສຸມໃສ່ຊອກຫາບັນດາມາດຕະການ ເພື່ອຍົກສູງຄຸນນະພາບການກວດສອບບັນຊີ ແລະ ລາຍງານການກວດສອບບັນຊີ, ບັນດາມາດຕະການປ່ຽນໃໝ່ວຽກງານພະນັກງານ, ບຳລຸງສ້າງພະນັກງານ, ຮູບແບບ, ວິວັດການກວດກາຄຸນນະພາບການກວດສອບບັນຊີ, ລາຍງານການກວດສອບບັນຊີ, ສ້າງ ແລະ ປະກາດໃຊ້ບັນດາເອກະສານ, ແບບຟອມລາຍງານກວດສອບບັນຊີ, ຈັດຕັ້ງການກວດກາຢັ້ງຢືນ, ເປີດເຜີຍບົດລາຍງານກວດສອບບັນຊີ, ບັນດາມາດຕະການເພື່ອແກ້ໄຂການຊັກຊ້າຂອງຂໍ້ມູນຂ່າວສານໃນການກວດສອບບັນຊີ…
