ກະຊວງປ້ອງກັນປະເທດຜັນຂະຫຍາຍປະຕິບັດ ຂໍ້ຕົກລົງ 62 ຂອງນາຍົກລັດຖະມົນຕີ
(vovworld) – ຕອນເຊົ້າວັນທີ 5/3, ຢູ່ຮ່າໂນ້ຍ, ກະຊວງປ້ອງກັນປະເທດຫວຽດ ນາມ ໄດ້ສົມທົບກັບກະຊວງແຮງງານ, ທະຫານເສຍອົງຄະ ແລະ ສັງຄົມ, ກະຊວງຕຳຫຼວດ ຈັດຕັ້ງກອງປະຊຸມຝຶກອົບຮົມຊາບຊຶມ, ຜັນຂະຫຍາຍ ຂໍ້ຕົດລົງຂອງນາຍົກລັດຖະມົນຕີ ກ່ຽວກັບການແນະນຳປະຕິບັດລະບອບ, ນະໂຍບາຍທີ່ມີຕໍ່ບັນດາເປົ້າໝາຍເຂົ້າຮ່ວມສົງຄາມປົກປັກຮັກສາປະເທດຊາດ ແລະ ປະຕິບັດໜ້າທີ່ສາກົນພາຍຫຼັງວັນທີ 30/4/1975. ປະຈຸບັນ, ທົ່ວປະເທດມີປະມານ 1,2 ລ້ານຄົນໄດ້ຮັບຊົມໃຊ້ລະບອບຕາມຂໍ້ຕົກລົງນີ້. ທ່ານພົນຕີ ດ່າວຢູຍມິນ, ຮອງຫົວໜ້າກົມໃຫຍ່ການເມືອງ, ກອງທັບປະຊາຊົນຫວຽດນາມ ໃຫ້ຮູ້ວ່າ:
“ຂໍ້ຕົກລົງນີ້ ຂອງລັດຖະບານເພື່ອແນໃສ່ຈຸດປະສົງຮັບຮູ້ ແລະ ເຊີດຊູບັນດາຜູ້ມີຄຸນງາມຄວາມດີ. ໃນບັ້ນຜັນຂະຫຍາຍຄັ້ງນີ້, ຂ້າພະເຈົ້າຫວັງວ່າ ພັກ, ອຳນາດການປົກຄອງທຸກຂັ້ນ, ການນຳ, ພິເສດແມ່ນພະນັກງານການເມືອງຢູ່ທຸກຂັ້ນ ສົມທົບກັບບັນດາຂະແໜງການຈັດຕັ້ງປະຕິບັດຖືກເປົ້າໝາຍ, ຖືກກຳນົດ, ໃນທຸກກໍລະນີພວກເຮົາຕ້ອງປະຕິບັດໂດຍໄວ ເພື່ອໃຫ້ບັນດາເປົ້າໝາຍນີ້ໄດ້ຊົມໃຊ້ຂໍ້ຕົກລົງຂອງນາຍົກລັດຖະມົນຕີ”
