ກະສັດໄທ ມະຫາວະຊິຣາລົງກອນ ພຣະວະສິຣະເກົ້າເຈົ້າຢູ່ຫົວ ພ້ອມກັບ ພຣະ ຣາຊີນີ ສຸທິດາ ພັດຊະຣະສຸທາພິມົນລັກ ຈະໄປຢ້ຽມຢາມທາງລັດຖະກິດຢູ່ ຈີນ ໃນລະຫວ່າງວັນ13 – 17 ພະຈິກ ຕາມຄຳເຊື້ອເຊີນຂອງ ທ່ານປະທານປະເທດ ຈີນ ສີຈິ້ນຜິງ. ການຢ້ຽມຢາມແມ່ນເພື່ອເພີ່ມທະວີການພົວພັນມິດຕະພາບ ແລະ ການຮ່ວມມືທີ່ໃກ້ຊິດລະຫວ່າງສອງປະເທດ, ພິເສດໃນໂອກາດສອງປະເທດສະເຫຼີມສະຫຼອງ ປີທອງຂອງນ້ຳໃຈມິດຕະພາບ, ປີ 2025 ສ້າງຂີດໝາຍ 50 ປີແຫ່ງວັນສ້າງຕັ້ງການພົວພັນທາງການທູດ ໄທ - ຈີນ. ຢູ່ການຖະແຫຼງຂ່າວປະຈຳເດືອນໃນວັນທີ 6 ພະຈິກ, ທ່ານ ໜາວໜິງ ໂຄສົກກະຊວງການຕ່າງປະເທດ ຈີນ ຖືວ່າ ເລື່ອງ ກະສັດ ໄທ ເລືອກ ຈີນ ແມ່ນປະເທດໃຫຍ່ທຳອິດທີ່ໄປປະຕິບັດການຢ້ຽມຢາມທາງການ ໄດ້ສະແດງໃຫ້ເຫັນຄວາມເຄົາລົບຢ່າງສູງຂອງທັງສອງຝ່າຍໃນການພັດທະນາການພົວພັນ ຈີນ ແລະ ໄທ.
