ການຈະເລີນເຕີບໂຕດ້ານເສດຖະກິດໃນໄຕມາດທີ 1 ຕ່ຳກ່ວາໝູ່ນັບແຕ່ປີ 2009 ມາຮອດປະຈຸບັນ
ລັດຖະມົນຕີການເງິນ Vuong Dinh Hue ທີ່ກອງປະຊຸມ
(ພາບ:dvt.vn)
( vovworld ) – ທະນາຄານພັດທະນາອາຊີຄາດຄະເນວ່າ ການຈະເລີນເຕີບໂຕດ້ານເສດຖະກິດຂອງ ຫວຽດນາມ ປີນີ້ ບັນລຸປະມານ 5,7% ແລະ ຈະເພີ່ມຂຶ້ນ 6,2% ໃນປີ 2013. ຫວຽດນາມ ຕ້ອງມີນະໂຍບາຍເໝາະສົມ ເພື່ອແກ້ໄຂສັນຍານເສດຖະກິດຊຸດໂຊມ, ພ້ອມທັງມານະພະຍາຍາມຫຼາຍກ່ວາອີກ ໃນການປະຕິຮູບລັດວິສາຫະກິດໃນໄລຍະທີ່ຈະມາເຖິງ. ຂໍ້ສັງເກດດັ່ງກ່າວໄດ້ຍົກອອກມາທີ່ກອງປະຊຸມກ່ຽວກັບການທ້າທາຍເສດຖະກິດການເງິນທົ່ວໂລກປີ 2012 ໂດຍກະຊວງການເງິນ ຫວຽດນາມ ສົມທົບກັບທະນາຄານພັດທະນາອາຊີ ແລະ ບໍລິສັດຄຸ້ມຄອງຊັບສົມບັດ ສເກົາຫລີ ຈັດຂຶ້ນເມື່ອວັນທີ 23/4 ຢູ່ຮ່າໂນ້ຍ. ບັນດາຜູ້ຊ່ຽວຊານຂອງທະນາຄານພັດທະນາອາຊີ ໄດ້ຕີລາຄາສູງບັນດາຄວາມມານະພະຍາຍາມສ້າງໂຄງປະກອບເສດຖະກິດຄືນໃໝ່ຂອງ ຫວຽດນາມ ໃນໄລຍະຜ່ານມາ, ພ້ອມທັງສະເໜີໃຫ້ ຫວຽດນາມ ຈົ່ງຍູ້ແຮງການປະຕິຮູບລັດວິສາຫະກິດຫຼາຍກ່ວາອີກ. ທ່ານ Bindu Lohani ຮອງປະທານຄຸ້ມຄອງພູມປັນຍາ ແລະ ການພັດທະນາແບບຍືນຍົງ ທະນາຄານພັດທະນາອາຊີ ກ່າວເຕືອນວ່າ: “ຢູ່ ຫວຽດນາມ, ລັດຖະບານພວມມານະພະຍາຍາປະຕິຮູບລັດວິສາຫະກິດ, ສຸມໃສ່ລັດວິສາຫະກິດຂະໜາດໜ້ອຍ. ອົງການຂອງພວກຂ້າພະເຈົ້າ ໄດ້ສົມທົບຢ່າງແໜ້ນແຟ້ນກັບ ຫວຽດນາມ ໃນວິວັດການປະຕິຮູບນີ້. ລັດຖະບານໄດ້ໃຫ້ຄຳໝັ້ນສັນຍາຈະປະຕິຮູບລັດວິສາຫະກິດຕື່ມອີກ 21 ແຫ່ງ ເພື່ອໃຫ້ບັນດາກຸ່ມບໍລິສັດໃຫ່ຍເພີ່ມທະວີປະສິດທິຜົນ. ຫວຽດນາມ ຕ້ອງມີຄວາມມານະພະຍາຍາມຫຼາຍກ່ວາອີກ ເພື່ອປະຕິຮູບບັນດາວິສາຫະກິດນີ້“.
