ທ່ານນາຍົກລັດຖະມົນຕີ ລາວ ທອງລຸນ ສີສຸລິດ
ຕ້ອນຮັບ ທ່ານ ໂຮ່ດຶກເຟີ໋ກ
(ພາບ: TTXVN)
(vovworld) – ວັນທີ 05/04, ໃນຂອບເຂດການຢ້ຽມຢາມ ແລະ ເຮັດວຽກຢູ່ ລາວ, ຄະນະຜູ້ແທນຂັ້ນສູງອົງການກວດສອບແຫ່ງລັດ ຫວຽດນາມ ໂດຍທ່ານ ໂຮ່ດຶກເຟີ໋ກ, ຫົວໜ້າອົງການກວດສອບແຫ່ງລັດ ເປັນຫົວໜ້າຄະນະ ມີການພົບປະກັບທ່ານນາຍົກລັດຖະມົນຕີ ລາວ ທອງລຸນ ສີສຸລິດ ແລະ ທ່ານນາງປະທານສະພາແຫ່ງຊາດ ລາວ ປານີ ຢາທໍ່ຕູ້. ທີ່ການພົບປະ, ທ່ານ ໂຮດຶກເຟີ໋ກ ສະແດງຄວາມປາດຖະໜາວ່າ ທ່ານນາງປະທານສະພາແຫ່ງຊາດ ແລະ ທ່ານນາຍົກລັດຖະມົນຕີ ລາວ ສ້າງເງື່ອນໄຂສະດວກ ເພື່ອໃຫ້ອົງການກວດສອບ 2 ຝ່າຍຮັດແໜ້ນການພົວພັນ, ສົມກັບສາຍພົວພັນຖານບ້ານໃກ້ເຮືອນຄຽງມິດຕະພາບ, ການຮ່ວມມືຮອບດ້ານລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດ. ທ່ານ ໂຮ່ດຶກເຟີ໋ກ ຢືນຢັນວ່າ ອົງການກວດສອບແຫ່ງລັດ ຫວຽດນາມ ຈະສືບຕໍ່ໜູນຊ່ວຍ, ຊ່ວຍເຫຼືອອົງການກວດສອບແຫ່ງລັດ ລາວໃນການບູລະນະລະບອບລະບຽບການ, ການຈັດຕັ້ງກົງຈັກ, ເພີ່ມທະວີກຳລັງຄວາມສາມາດກວດສອບຂອງ ລາວ; ປະກອບສ່ວນເຂົ້າໃນການພັດທະນາຂອງ 2 ປະເທດ ຫວຽດນາມ - ລາວ ອ້າຍນ້ອງ.
ທ່ານນາງປະທານສະພາແຫ່ງຊາດ ປານີ ຢາທໍ່ຕູ້
ຕ້ອນຮັບ ທ່ານ ໂຮ່ດຶກເຟີ໋ກ
(ພາບ: TTXVN)
ທ່ານນາຍົກລັດຖະມົນຕີ ທອງລຸນ ສີສຸລິດ ແລະ ທ່ານນາງປະທານສະພາແຫ່ງຊາດ ປານີ ຢາທໍ່ຕູ້ ຫວັງວ່າ: ໃນໄລຍະຈະມາເຖິງ, ອົງການກວດສອບ ຫວຽດນາມ ຈະເພີ່ມທະວີການຮ່ວມມື ແລະ ໜູນຊ່ວຍອົງການກວດສອບ ລາວ ກ່ວາອີກ; ປະກອບສ່ວນເພີ່ມພູນຄູນສ້າງໃຫ້ແກ່ການພົວພັນແບບພິເສດລະຫວ່າງອົງການກວດສອບ 2 ປະເທດເວົ້າສະເພາະ ແລະ ການພົວພັນລະຫວ່າງ 2 ປະເທດ ລາວ - ຫວຽດນາມ ອ້າຍນ້ອງເວົ້າລວມ.
