 ການປະຊຸມຂ່າວກ່ຽວກັບວັນບຸນອ່ານປື້ມ
ພາບ:internet |
(vovworld)- ຕອນເຊົ້າວັນທີ 17/4 ຢູ່ ຮ່າໂນ້ຍ, ກະຊວງວັດທະນະທຳ ກິລາ ແລະ ການທ່ອງທ່ຽວ ຫວຽດນາມ ຈັດຕັ້ງການປະຊຸມຂ່າວກ່ຽວກັບວັນບຸນປື້ມ ແລະ ວັດທະນະທຳອ່ານ 2012 ຊຶ່ງຄາດວ່າຈະດຳເນີນໄປໃນວັນທີ 21 ແລະ 22/4 ຢູ່ Van Mieu Quoc Tu Giam. ວັນບຸນປື້ມ ແລະ ວັດທະນະທຳອ່ານປີນີ້ ມີຫົວຂໍ້ວ່າ: “ອ່ານ ປື້ມເພື່ອອະນາຄົດ” ແນໃສ່ຕອບສະຫນອງວັນປື້ມ ແລະ ລິຂະສິດຂອງໂລກ ຄືວັນທີ 23/4, ປະກອບສ່ວນຍົກສູງຄວາມຮັບຮູ້ຂອງປະຊາຊົນໃນການປະຕິບັດ, ປົກປ້ອງ ລິຂະສິດຂອງຜູ້ແຕ່ງ. ກ່ຽວກັບຈຸດໃຫມ່ຂອງວັນບຸນປີນີ້, ທ່ານນາງ Nguyen Thi Thanh Mai ຫົວຫນ້າກົມຫໍສະຫມຸດ ສັງກັດກະຊວງວັດທະນະທຳ ກິລາ ແລະ ການທ່ອງທ່ຽວ ຫວຽດນາມ ໃຫ້ຮູ້ວ່າ:
“ນອກຈາກວາງສະແດງປື້ມຂອງຍຸກປະຈຸບັນແລ້ວ, ປີນີ້ ພວກຂ້າພະເຈົ້າຈະວາງສະແດງເອກະສານອັນລ້ຳຄ່າທີ່ພວມຮັກສາໄວ້ຢູ່ໃນບັນດາຫໍສະຫມຸດ. ພວກນ້ອງສາມາດອ່ານປື້ມທີ່ເປັນມູນເຊື້ອ, ອ່ານປື້ມແບບເອເລັກໂຕນິກ, ເຂົ້າເວັບໄຊ ເຮັດແນວໃດເພື່ອໃຫ້ການເຄື່ອນໄຫວຂອງຫໍສະຫມຸດແມ່ນຟົດຟື້ນ ແລະ ອຸດົມສົມບູນກວ່າ.”
