(vovworld) – ຕອນບ່າຍວັນທີ 17/4, ກະຊວງຍຸຕິທຳ, ອົງການປະຈຳການຂອງຄະນະຊີ້ນຳສະຫຼຸບການປະຕິບັດລັດຖະທຳມະນູນປີ 1992 ຂອງລັດຖະບານ ໄດ້ຈັດຕັ້ງການປະຊຸມຂ່າວປະກາດໝາກຜົນການປະຕິບັດລັດຖະທຳມະນູນ ແລະ ບັນດາໜ້າທີ່ປີ 2012 ຂອງຄະນະຊີ້ນຳ. ທ່ານ Le Hong Son, ລັດຖະມົນຕີຊ່ວຍວ່າການກະຊວງຍຸຕິທຳໃຫ້ຮູ້ວ່າ: ຂອບເຂດຂອງການສະຫຼຸບການປະຕິບັດລັດຖະທຳມະນູນປີ 1992 ຂອງລັດຖະບານແມ່ນຮອບດ້ານພໍສົມຄວນ, ລວບລວມທຸກບັນຫາທີ່ກ່ຽວຂ້ອງເຖິງທີ່ຕັ້ງ, ບົດບາດ, ພາລະໜ້າທີ່, ສິດຂອງລັດຖະບານ. ໃນນັ້ນ, ພົ້ນເດັ່ນແມ່ນບາງເນື້ອໃນຄືການແບ່ງສິດອຳນາດຂອງລັດ, ສິດ ແລະ ພັນທະທີ່ເປັນພື້ນຖານຂອງພົນລະເມືອງ, ກ່ຽວກັບສະພາປະຊາຊົນ, ຄະນະກຳມະການປະຊາຊົນ ແລະ ເຕັກນິກການສ້າງລັດຖະທຳມະນູນ... ຕາມທ່ານລັດຖະມົນຕີຊ່ວຍວ່າການ Le Hong Son ແລ້ວ, ບັນດາເນື້ອໃນສະຫຼຸບທີ່ສຳຄັນໃນການປະຕິບັດລັດຖະທຳມະນູນປີ 1992 ແມ່ນໄດ້ຮັບກຳນົດຜ່ານການຜັນຂະຫຍາຍຢ່າງຄົບຊຸດ, ເຂັ້ມງວດ, ຮີບດ່ວນ, ມີປະຊາຊທິປະໄຕຂອງ ກະຊວງ, ອົງການທຽບເທົ່າກະຊວງ ຂຶ້ນກັບລັດຖະບານ 30 ແຫ່ງ ແລະ 63 ທ້ອງຖີ່ນ. ຈາກບົດລາຍງານຂອງແຕ່ລະກະຊວງ, ຂະແໜງການ, ທ້ອງຖີ່ນ ແລະ 22 ບົດລາຍງານຫົວເລື່ອງສະເພາະ, ລັດຖະບານໄດ້ຮຽບຮຽງ ແລະ ສົ່ງບົດລາຍງານສະຫຼຸບການປະຕິບັດລັດຖະທຳມະນູນຂອງລັດຖະບານ ເຖິງຄະນະກຳມະການຮຽບຮຽງລັດຖະທຳມະນູນ (ສະບັບປັບປຸງ) ໃນທ້າຍເດືອນ 2 ຜ່ານມາ.
