 ເຂດກາຊາ
(ພາບ: ອິນເຕີແນັດ) |
( vovworld ) – ການປະທະກັນລະຫວ່າງ ອິດສະຣາແອນ ແລະ ປາແລດສະຕິນ ພວມຢູ່ຕໍ່ໜ້າໄພປີ້ນຂັ້ນໄດ ຂະນະທີ່ວັນທີ 9/3, ອິດສະຣາແອນ ໄດ້ດຳເນີນບັນດາການບຸກໂຈມຕີທາງອາກາດ ແນໃສ່ເຂດກາຊາ ຊື່ງເຮັດໃຫ້ 11 ຄົນເສຍຊີວິດ, 15 ຄົນຖືກຫບາດເຈັບ. ແຫຼ່ງຂ່າວການທະຫານ ອິດສະຣາແອນ ໃຫ້ຮູ້ວ່າ: ບັນດາການບຸກໂຈມຕີທາງອາກາດ ດຳເນີນໄປເພື່ອແກ້ແຄ້ນເລື່ອງບັນດາກຳລັງປາແລດສະຕິນ ໄດ້ຍິງລູກຈະຫຼວດ ແລະ ປືນຄົກ ເຂົ້າເຂດ Eshkol ທາງພາກໃຕ້ ອິດສະຣາແອນ ອັນໄດ້ເຮັດໃຫ້ 4 ຄົນເສຍຊີວິດ. ຕາມໂຄສົກການທະຫານອິດສະຣາແອນ ຜູ້ໜື່ງແລ້ວ, ທະຫານປະເທດນີ້ ໄດ້ບຸກໂຈມຕີທາງອາກາດແນ່ໃສ່ລົດຄັນໜື່ງຢູ່ນະຄອນ ກາຊາ ເພື່ອແນໃສ່ສະກັດກັ້ນກົນອຸບາຍບຸກໂຈມຕີເຂົ້າເຂດຊາຍແດນຕິດກັບອີຢີບ. ໃນຂະນະນັ້ນ, ກຸ່ມປະກອບອາວຸດທີ່ມີຊື່ວ່າ ຄະນະກຳມະການຕໍ່ຕ້ານປະຊາຊົນ ຫລື PRC ຢູ່ ກາຊາ ໃຫ້ຮູ້ວ່າ ເຫດການບຸກໂຈມຕີທາງອາກາດແນ່ໃສລົດຄັນໜື່ງຢູ່ທາງທິດຕາເວັນຕົກຂອງເຂດ ກາຊາ ໄດ້ເຮັດໃຫ້ຫົວໜ້າຂອງກຸ່ມນີ້ເສຍຊີວິດ. ທັງ PRC ແລະ ບັນດາສາຂາຂອງຂະບວນການ ຮາມາດ ຊື່ງແມ່ນກຳລັງພວມຄວບຄຸມເຂດ ກາຊາ ໄດ້ນາບຂູ່ວ່າຈະແກ້ແຄ້ນ ແລະ ຍິງລູກຈະຫຼວດ ແລະປືນໃຫ່ຍປະມານ 40 ລູກເຂົ້າທາງທິດໃຕ້ ອິດສະຣາແອນ.
