ການພົວພັນແລກປ່ຽນຂ່ຳນັບຮັບຕ້ອນປີແຫ່ງຄວາມສາມັກຄີ ມິດຕະພາບ ຫວຽດນາມ - ລາວ
 ພາບປະກອບ
|
(vovworld) - ຕອນຄ່ຳວັນທີ 15/3, ສະຖານທູດຫວຽດນາມປະຈຳລາວ ແລະ ກະຊວງການຕ່າງປະເທດລາວ ໄດ້ສົບທົບກັນຈັດຕັ້ງການພົບປະແລກປ່ຽນເພື່ອຂ່ຳນັບຮັບຕ້ອນປີແຫ່ງຄວາມສາມັກຄີ - ມິດຕະພາບຫວຽດນາມ - ລາວ. ຕາງໜ້າໃຫ້ສະຖານທູດ, ທ່ານ ອັກຄະລັດຖະທູດຫວຽດນາມປະຈຳລາວ ເລືອງກວກຮູຍ ຊີ້ແຈງຄວາມໝາຍຂອງການພົວພັນແລກປ່ຽນແມ່ນຕອບສະໜອງ “ປີແຫ່ງຄວາມສາມັກຄີ ບ ມິດຕະພາບຫວຽດນາມ - ລາວ” ໂດຍທ່ານປະທານປະເທດຫວຽດນາມ ເຈືອງເຕີນຊາງ ແລະ ທ່ານເລຂາທິການໃຫຍ່ພັກປະຊາຊົນປະຕິວັດລາວ, ປະທານປະເທດລາວ ຈູມມາລີ ໄຊຍະສອນ ປຸກລະດົມເພື່ອແນໃສ່ເພີ່ມທະວີຄວາມເຂົ້າອົກເຂົ້າໃຈ, ພ້ອມກັນແບ່ງປັນບົດຮຽນໃນວິຊາສະເພາະເພື່ອບັນລຸໝາກຜົນສູງກ່ວາໃນວຽກງານ. ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ ລາວ ອາລຸນແກ້ວ ກິດຕິຄຸນ ຕີລາຄາສູງຄວາມໝາຍຂອງການພົບປະແລກປ່ຽນແມ່ນຊ່ວຍໃຫ້ກະຊວງການຕ່າງປະເທດ ລາວ ແລະ ສະຖານທູດນັບມື້ນັບສະໜິດຕິດພັນຢ່າງສະໜິດສະໜົມ, ປະຕິບັດສຳເລັດໜ້າທີ່ເຊິ່ງ 2 ພັກ ແລະ ລັດມອບໝາຍໃຫ້, ປະກອບສ່ວນເພີ່ມພູນຄຸນສ້າງສາຍພົວພັນສາມັກຄີ ມິດຕະພາບ ແລະ ການຮ່ວມມືຮອບດ້ານລາວ - ຫວຽດນາມ ນັບມື້ນັບພັດທະນາ.
