(vovworld) – “ການເຄື່ອນໄຫວລົງທຶນຂອງຫວຽດນາມ ເຂົ້າ ກຳປູເຈຍ ໄດ້ເພີ່ມຂຶ້ນຢ່າງແຮງ, ພິເສດແມ່ນແຕ່ 6 ເດືອນທ້າຍປີ 2009 ມາຮອດປະຈຸບັນ, ດ້ວຍຈຳນວນໂຄງການເພີ່ມຂຶ້ນທົບ 2 ເທົ່າ, ແລະ ຍອດເງິນລົງທຶນເພີ່ມຂຶ້ນທົບ 5 ເທົ່າເມື່ອທຽບກັບໄລຍະກ່ອນປີ 2009.” ນັ້ນແມ່ນການຕີລາຄາໄດ້ຍົກອອກມາໃນການເຈລະຈາ ເມືອຕອນບ່າຍວັນທີ 29/3 ລະຫວ່າງຜູ້ວ່າການທະນາຄານແຫ່ງລັດຫວຽດນາມ Nguyen Van Binh ກັບບັນດານັກລົງທຶນຫວຽດນາມຢູ່ກຳປູເຈຍ. ປະຈຸບັນ, ຫວຽດນາມຍືນອັນດັບ 4 ໃນຈຳນວນບັນດານັກລົງທຶນຢູ່ກຳປູເຈຍ (ທັດຈາກ ຈີນ, ສ ເກົາຫຼີ ແລະ ອົດສະຕາລີ). ຜູ້ວ່າການທະນາຄານແຫ່ງລັດ Nguyen Van Binh ຢືນຢັນວ່າ: ແຜນນະໂຍບາຍຂອງລັດຖະບານຫວຽດນາມ ແລະ ທະນາຄານແຫ່ງລັດຫວຽດນາມ ແມ່ນສ້າງເງື່ອນໄຂອຳນວຍຄວາມສະດວກທີ່ສຸດໃຫ້ແກ່ບັນດາວິສາຫະກິດລົງທຶນຢູ່ກຳປູເຈຍ, ສົມກັບການພົວພັນທາງການເມືອງພິເສດລະຫວ່າງ 2 ປະເທດ. ທ່ານ Nguyen Van Binh ເວົ້າວ່າ:
“ຖ້າຫາກບໍ່ມີທະນາຄານກ້າວເດີນກ່ອນບາດກ້າວໜຶ່ງ ກໍບໍ່ສາມາດສ້າງເງື່ອນໄຂໃຫ້ແກ່ບັນດາວິສາຫະກິດເຂົ້າມາລົງທຶນຢູ່ຕະຫຼາດນີ້. ດັ່ງນັ້ນ, ການສະແດງອອກລະອຽດທີ່ສຸດ, ມີໄຫວພິບທີ່ສຸດຂອງທະນາຄານແຫ່ງລັດໃນຍຸດທະສາດການລົງທຶນຢູ່ຕະຫຼາດ ກຳປູເຈຍ ແມ່ນຍູ້ແຮງການເປີດບັນດາສາຂາອົງການສິນເຊື່ອຂອງຫວຽດນາມ ຢູ່ທີ່ນີ້. ທິດຂອງພວກເຮົາແມ່ນເຮັດແນວໃດໃຫ້ຢູ່ຕະຫຼາດ ກຳປູເຈຍ ພວກເຮົາມີກຸ່ມ ທະນາຄານ ອັນດັບໜຶ່ງ 10 ແຫ່ງຂອງຫວຽດນາມມີສາຂາຢູ່ທີ່ນີ້. ”
