 ທ່ານ ຫວູດ້າຍຖັງ, ເລຂາຄະນະພັກແຂວງ ກວາງບິງ |
ຕອນເຊົ້າວັນທີ 17 ທັນວາ, ຢູ່ດ່ານຊາຍແດນສາກົນ ຈາລໍ, ແຂວງ ກວາງບິງ, ຄະນະຜູ້ແທນຂັ້ນສູງແຂວງ ກວາງບິງ, ຫວຽດນາມ ແລະ ຄະນະຜູ້ແທນຂັ້ນສູງແຂວງ ຄຳມ່ວນ, ລາວ ໄດ້ຈັດການພົບປະ ແລະ ລົງນາມໃນບົດບັນທຶກວ່າດ້ວຍການຮ່ວມມືຜັນຂະຫຍາຍບັນດາການເຄື່ອນໄຫວລະຫວ່າງ 2 ແຂວງ ໃນໄລຍະຈະມາເຖິງ.
ທີ່ການພົບປະ, ສອງຝ່າຍເຫັນດີສືບຕໍ່ຮັກການແລກປ່ຽນໝູນວຽນ ແລະ ປະຈຳໄລຍະ, ປະຈຳປີ; ຍູ້ແຮງການໂຄສະນາເຜີຍແຜ່, ສຶກສາກ່ຽວກັບມູນເຊື້ອໃຫ້ແກ່ມູນເຊື້ອມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ ເວົ້າລວມ ແລະ ສອງແຂວງ ກວາງບິງ - ຄຳມ່ວນ ເວົ້າສະເພາະ; ສືບຕໍ່ພົບປະແລກປ່ຽນກ່ຽວກັບວັດທະນະທຳ, ຮ່ວມມືໃນຂົງເຂດການສຶກສາ ແລະ ບຳລຸງສ້າງ, ສົມທົບກັນແໜ້ນແຟ້ນໃນວຽກງານຊອກຫາ, ທ້ອນໂຮມອັດຖິທະຫານອາສາສະໝັກ ແລະ ນັກຊ່ຽວຊານ ຫວຽດນາມ ທີ່ເສຍສະຫຼະຊີວິດຢູ່ ລາວ ໃນປາງສົງຄາມ. ທ່ານ ຫວູດ້າຍຖັງ, ເລຂາຄະນະພັກແຂວງ ກວາງບິງ ໃຫ້ຮູ້ວ່າ:
“ພວກເຮົາຈະສືບຕໍ່ປະຕິບັດຕາມມູນເຊື້ອອັນດີງາມລະຫວ່າງສອງແຂວງ, ຈະເອົາໃຈໃສ່, ລະດົມກຳລັງໃຈເຊິ່ງກັນແລະກັນໃນເວລາປະສົບກັບຄວາມຫຍຸ້ງຍາກຍ້ອນໄພພິບັດທຳມະຊາດ ແລະ ໂລກລະບາດ. ສຳລັບຂົງເຂດປ້ອງກັນຊາດ, ປ້ອງກັນຄວາມສະຫງົບ ແລະ ຊາຍແດນ, ຂ້າພະເຈົ້າຂໍສະເໜີໃຫ້ບັນດາສະຫາຍ ຈົ່ງສົມທົບກັນເພື່ອຊີ້ນຳກຳລັງຮັບຜິດຊອບ ແລກປ່ຽນຂໍ້ມູນຂ່າວສານເປັນປະຈຳ, ສົມທົບກັນລາດຕະເວນສອງຝ່າຍ ເພື່ອປົກປັກຮັກສາເສັ້ນຊາຍແດນ, ຫຼັກໝາຍຊາຍແດນ ແລະ ຕ້ານອາດຊະຍາກຳ.”
ຜູ້ຕາງໜ້າການນຳ 2 ແຂວງ ກວາງບິງ ແລະ ຄຳມ່ວນ ໄດ້ເຫັນດີເປັນເອກະພາບລົງນາມໃນບົດບັນທຶກຂອງການພົບປະດ້ວຍເນື້ອໃນກ່ຽວກັບການພົວພັນລະຫວ່າງພັກ, ອຳນາດການປົກຄອງ, ອົງການຈັດຕັ້ງມະຫາຊົນ; ພັດທະນາເສດຖະກິດ, ວັດທະນະທຳ, ສັງຄົມ; ການປ້ອງກັນຊາດ, ປ້ອງກັນຄວາມສະຫງົບເຂດຊາຍແດນ ແລະ ຂໍ້ມູນຂ່າວສານຮັບໃຊ້ວຽກງານການຕ່າງປະເທດ.
