ການເຄືອ່ນໄຫວຕ່າງໆ ຕອບສະໜອງການມອດໄຟ 1 ຊົ່ວໂມງເພື່ອໜ່ວຍໂລກ
ມອດໄຟເພື່ອໜ່ວຍໂລກ
(ພາບ:vnexpress.net)
( vovworld ) – ການເຄື່ອນໄຫວມອດໄຟ 1 ຊົ່ວໂມງເພື່ອໜ່ວຍໂລກ ຈະເລີ່ມແຕ່ 20 ໂມງ 30 ນາທີ ຫາ 21 ໂມງ 30 ນາທີ ຂອງວັນທີ 31/3 ດ້ວຍສານລວມທີ່ວ່າ “ທຸກຄົນພ້ອມກັນປະຕິບັດ“. ໂດຍຕອບສະໜອງການເຄື່ອນໄຫວເພື່ອສິ່ງແວດລ້ອມນີ້, ຫຼາຍທ້ອງຖິ່ນໃນທົ່ວປະເທດໄດ້ດຳເນີນບັນດາການເຄື່ອນໄຫວອັນແທດຈິງ. ທ່ານ Dao Van Tuyen ຮອງຫົວໜ້າພະແນກໂຄສະນາສຶກສາ, ອົງການຊາວໜຸ່ມກອມມູນິດໂຮ່ຈິມິນ ແຂວງ Thanh Hoa ໃຫ້ຮູ້ວ່າ: “ໃນຄ່ຳຄືນວັນທີ 31/3, ຈະຈັດ 2 ເນື້ອໃນຕົ້ນຕໍ. ບັນດາສະມາຊິກຊາວໜຸ່ມ ຈະໂຄສະນາໃຫ້ແກ່ປະຊາຊົນ, ບັນດາວິສາຫະກິດ…ຈັດການຂະບວນແຫ່ຕາມຖະໜົນ ເພື່ອສະແດງໃຫ້ເຫັນຄວາມໝາຍຂອງການມອດໄຟ 1 ຊົ່ວໂມງເພື່ອໜ່ວຍໂລກ. ຕໍ່ຈາກນັ້ນຈະຈັດການເຄື່ອນໄຫວຢູ່ສະໜາມຫຼວງ Lam Son ທີ່ນະຄອນ Thanh Hoa ແລະ ຈະມອດໄຟໃນເວລາ 1 ຊົ່ວໂມງ.“
ສົ່ງສານກ່ຽວກັບບັ້ນມອດໄຟ 1 ຊົ່ວໂມງເພື່ອໜ່ອຍໂລກ ເຖິງຮາກຖານຊາວໜຸ່ມ, ເຖິງແຕ່ລະຄອບຄົວສະມາຊິກຊາວໜຸ່ມແມ່ນຈຸດໃໝ່ຂອງບັນດາສະມາຊິກຊາວໜຸ່ມແຂວງ Quang Ninh. ອ້າຍ Hoang Ba Nam ເລຂາຄະນະຊາວໜຸ່ມແຂວງ Quang Ninh ໃຫ້ຮູ້ວ່າ: “ອາດເວົ້າໄດ້ວ່າ, ການເຂົ້າຮ່ວມບັ້ນມອດໄຟ 1 ຊົ່ວໂມງເພື່ອໜ່ອຍໂລກ ມີຄວາມໝາຍອັນໃຫ່ຍຫຼວງ ໃນການຕ້ານການປ່ຽນແປງຂອງດິນຟ້າອາກາດ ແລະ ເພື່ອປະຢັດແຫຼ່ງພະລັງງານ ຮັບໃຊ້ຊີວິດການເປັນຢູ່ ແລະ ການດຳເນີນຊີວິດ. ຜ່ານການເຄື່ອນໄຫວນີ້, ຂ້າພະເຈົ້າຫວັງວ່າ ບໍ່ພຽງແຕ່ບັນດາຊາວໜຸ່ມແຂວງ Quang Ninh ເທົ່ານັ້ນ ຫາກບັນດາຊາວໜຸ່ມໃນທົ່ວປະເທດ ຈົ່ງນຳໜ້າປະຈັນບານ ໃນການເຄື່ອນໄຫວມອດໄຟ 1 ຊົ່ວໂມງເພື່ອໜ່ອຍໂລກປີ 2012 ນີ້.“
