ຜູ້ແຫ່ຂະບວນປະທ້ວງຢູ່ອີຢິບ
(vovworld) - ວັນທີ 19/6, ມີປະຊາຊົນນັບພັນຄົນ ໄດ້ເຕົ້າໂຮມກັນຢູ່ສະໜາມຫຼວງຢູ່ໃຈກາງນະຄອນຫຼວງ Cairo ປະເທດ ອີຢິບ, ເພື່ອແຫ່ຂະບວນປະທ້ວງ ຄັດຄ້ານຖະແຫຼງການລັດຖະທຳມະນູນ ສະບັບປັບປຸງ, ເລື່ອງຍຸບເລີກສະພາແຫ່ງຊາດ ແລະ ສະພາການທະຫານອາດຈະສ້າງຕັ້ງຄະນະກຳມະທິການສ້າງລັດຖະທຳມະນູນໃໝ່. ຜູ້ແຫ່ຂະບວນປະທ້ວງ ໄດ້ຄັດຄ້ານບາງຂໍ້ຕົກລົງໃນໄລຍະມໍ່ໆນີ້ຂອງສະພາສູງສຸດບັນດາກຳລັງປະກອບອາວຸດ ເຊິ່ງລວມມືປະກາດໃຊ້ເອກະສານເພີ່ມເຕີມຂອງຖະແຫຼງການລັດຖະທຳມະນູນ ຜ່ານນັ້ນເພີ່ມທະວີກຳລັງແຮງ ແລະ ສິດອຳນາດຂອງກອງທັບ ແລະ ຈຳກັດສິດອຳນາດຂອງປະທານາທິບໍດີ. ໃນຈຳນວນຜູ້ແຫ່ຂະບວນປະທ້ວງມີຫຼາຍຄົນສະໜັບສະໜູນຜູ້ອອກສະໝັກຮັບເລືອກຕັ້ງ ທ່ານ Mohamed Mursi ແລະ ບັນດາບຸກຄົນເຫຼົ່ານີ້ຮຽກຮ້ອງໃຫ້ສະພາການທະຫານມອບໂອນສິດບໍລິຫານປະເທດຊາດໃຫ້ແກ່ທ່ານ Mursi. ຜູ້ແຫ່ຂະບວນປະທ້ວງກໍເຕົ້າໂຮມກັນຢູ່ຕໍ່ໜ້າສະພາແຫ່ງຊາດ ເພື່ອຄັດຄ້ານຄຳການຕົກລົງຍຸບເລີກອົງການນີ້ຂອງສະພາການທະຫານ ແລະ ຮຽກຮ້ອງໃຫ້ຮັກສາກຳມາທິການສ້າງລັດຖະທຳມະນູນ.
ໃນຂະນະນັ້ນ, ຕາມສຳນັກຂ່າວສານ Mena ຂອງ ອີຢິບແລ້ວ, ທ່ານປະທານາທິບໍດີຜູ້ຖືກໂຄ້ນລົ້ມ Hosni Mubarak ໄດ້ຖືກເສຍຊີວິດກ່ອນການເຄື່ອນຍ້າຍຈາກບ່ອນກັກຂັງ ໄປຍັງໂຮງໝໍທະຫານ.
