ການໃຊ້ຄວາມຮຸນແຮງຢູ່ຊີຣີ ຍັງສືບຕໍ່ເກີດຂຶ້ນ ໂດຍບໍ່ຫົວຊາຕໍ່ຄຳສັ່ງຢຸດຍິງ
ການຊໃຊ້ຄວາມຮຸນແຮງຍັງເກີດຂຶ້ນຢູ່ ຊີຣີ
(ພາບ:anninhthudo.vn)
( vovworld ) – ໂດຍບໍ່ຫົວຊາຕໍ່ຄຳສັ່ງຢຸດຍິງ ຊື່ງມີຜົນສັກສິດນັບແຕ່ວັນທີ 12/4 ຜ່ານມາ, ວັນທີ 16/4, ໃນການໃຊ້ຄວາມຮຸນແຮງຄັ້ງຕ່າງໆຢູ່ຊີຣີ ໄດ້ເຮັດໃຫ້ຢ່າງໜ້ອຍສຸດ 9 ຄົນເສຍຊີວິດ ໂດຍບໍ່ຫົວຊາຕໍ່ເລື່ອງບັນດາຜູ້ສັງເກດການຂອງສະຫະຫະຊາຊາດ ພວມເລີ່ມຜັນຂະຫຍາຍພາລະກຳຕິດຕາມກວດກາຄຳສັ່ງຢຸດຍິງຢູ່ປະເທດນີ້. ໃນ 2, 3 ວັນທີ່ຜ່ານມາ, ບັນດາກຸ່ມປະກອບອາວຸດຢູ່ຊີຣີ ຍັງສືບຕໍ່ປະຕິບັດການບຸກໂຈມຕີກ່ວາ 60 ຄັ້ງຢູ່ບັນດານະຄອນຂອງຊີຣີ ແນ່ໃສ່ສາມັນຊົນ, ພະນັກງານປ້ອງກັນຄວາມສະຫງົບ ແລະ ກຳລັງທະຫານຂອງປະເທດນີ້.
ວັນທີ 17/4, ທ່ານ Kofi Annan ທູດພິເສດຂອງສະຫະຫະຊາຊາດ ແລະສະຫະພັນອາຣັບ ໄດ້ເດີນທາງໄປຮອດນະຄອນຫຼວງ Doha ປະເທດ Qatar ເພື່ອເຂົ້າຮ່ວມວາລະປະຊຸມຂອງສະຫະພັນອາຣັບ ກ່ຽວກັບບັນຫາຊີຣີ. ນະທີ່ນີ້, ທ່ານ Kofi Annan ຈະມີການພົບປະເຈລະຈາກັບທ່ານເລຂາທິການໃຫ່ຍສະຫະພັນອາຣັບ Nabil El Arbi ພ້ອມກັບບັນດາເຈົ້າໜ້າທີ່ຂັ້ນສູງອື່ນໆ ໃນວາລະປະຊຸມຂັ້ນລັດຖະມົນຕີຂອງສະຫະພັນອາຣັບ ກ່ຽວກັບບັນຫາຊີຣີ.
