(vovworld) - ຕອນເຊົ້າວັນທີ 9/5, ຢູ່ສຳນັງານສູນກາງພັກ. ທ່ານ Le Hong Anh ກຳມະການກົມການເມືອງ, ຜູ້ປະຈຳການຄະນະເລຂາ ໄດ້ໃຫ້ການຕ້ອນຮັບຄະນະຜູ້ແທນບັນດາເຜົ່າແຂວງ ລາຍເຈົາ ທີ່ມາຮ່າໂນ້ຍແລກປ່ຽນບົດຮຽນ, ຮ່ຳຮຽນເອົາບົດຮຽນໃນວຽກງານຂົນຂວາຍໝູ່ມະຫາຊົນ ກັບບັນດາແຂວງທາງພາກເໜືອ. ທີ່ການຕ້ອນຮັບ, ຜູ້ປະຈຳການຄະນະເລຂາ Le Hong Anh ຊີ້ແຈ້ງວ່າ: ໄລຍະຈະມາເຖິງ, ແຂວງ ລາຍເຈົາຄວນສຸມໃສ່ປະຕິບັດວຽກງານຂົນຂວາຍໝູ່ມະຫາຊົນເປັນຢ່າງດີ, ເສີມຂະຫຍາຍນ້ຳໃຈສາມັກຄີປະຕິບັດແຜນນະໂຍບາຍ, ແນວທາງນະໂຍບາຍຂອງພັກ, ລັດ ແລະ ປະກອບສ່ວນຍູ້ແຮງການພັດທະນາເສດຖະກິດ - ສັງຄົມຂອງແຂວງ. ທ່ານ Le Hong Anh ເນັ້ນໜັກວ່າ:
“ທົ່ວລະບົບການເມືອງຕ້ອງເຂົ້າຮ່ວມເພື່ອຂົນຂວາຍໝູ່ມະຫາຊົນແຕ່ວ່າຕ້ອງກຳນົດວ່າໝູ່ຄະນະ ທັງແມ່ນກຳລັງຫຼັກແຫຼ່ງ, ທັງແມ່ນກຳລັງໂດຍກົງ. ຢາກເຮັດໃຫ້ວຽກງານຂົນຂວາຍໝູ່ມະຫາຊົນໃຫ້ດີຕ້ອງເລີ່ມຕົ້ນແຕ່ເລື່ອງກຳແໜ້ນແນວຄິດຈິດໃຈ, ຄວາມມຸ້ງຫວັງ, ຕ້ອງຮູ້ໝູ່ມະຫາຊົນປະສົບກັບຄວາມຫຍຸ້ງຍາກໃດເພື່ອຊ່ວຍເຂົາເຈົ້າແກ້ໄຂ. ຈາກນັ້ນຂົນຂວາຍໝູ່ມະຫາຊົນ ຈຶ່ງມີປະສິດທິຜົນ, ແທດຈິງ, ເຮັດຄືແນວນັ້ນໝູ່ຄະນະຈຶ່ງມີອິດທິພົນຊື່ສຽງໃນໝູ່ປະຊາຊົນ”
