ວັນທີ 21 ມັງກອນ, ລັດຖະສະພາ ເອີລົບ (EP) ໄດ້ດຳເນີນການປ່ອນບັດສົ່ງສຳເນົາເອກະສານຂໍ້ຕົກລົງດ້ານການຄ້າທີ່ຫາກໍ່ລົງນາມລະຫວ່າງ ສະຫະພາບ ເອີລົບ (ອີຢູ) ກັບກຸ່ມຕະຫຼາດລວມ ອາເມລິກາໃຕ້ (Mercosur) ຂຶ້ນສານຍຸຕິທຳສະຫະພາບ ເອີລົບ (CJEU). ການກະທຳດັ່ງກ່າວໄດ້ສ້າງຄວາມຂາດສະຖຽນລະພາບດ້ານນິຕິກຳຕໍ່ສັນຍາ ແລະ ຖືກອົງການປະຕິບັດກົດໝາຍຂອງສະຫະພາບຕຳໜິຕິຕຽນໃນທັນທີ.
ທີ່ການປ່ອນບັດຢູ່ Strasbourg (ຝລັ່ງ) ດ້ວຍໝາກຜົນ 334 ບັດເຫັນດີ ແລະ 324 ບັດຄ້ານ, ບັນດາສະມາຊິກລັດຖະສະພາໄດ້ຮັບຮອງເອົາເລື່ອງຮຽກຮ້ອງໃຫ້ CJEU ຢັ້ງຢືນວ່າ ຂໍ້ຕົກລົງນີ້ມີຄວາມເໝາະສົມກັບນະໂຍບາຍຂອງກຸ່ມຫຼືບໍ່. ຕາມນັ້ນແລ້ວ, CJEU ຈະຕ້ອງພິຈາລະນາສິ່ງທ້າທາຍດ້ານນິຕິກຳນີ້, ເຊິ່ງແມ່ນວິວັດການອາດຈະເຮັດໃຫ້ຖືກໂຈະ ຫຼື ຊ້ຳບໍ່ໜຳແມ່ນທຳລາຍຂໍ້ຕົກລົງທີ່ໄດ້ຮັບຖືວ່າ ແມ່ນໜຶ່ງໃນບັນດາເປົ້າໝາຍສຳຄັນໃນຍຸດທະສາດຂອງ ບຣຸກແຊນ ເພື່ອແນໃສ່ເປີດກວ້າງບັນດາຕະຫຼາດໃໝ່.
