(vovworld) - “ຮ່ວມເດີນທາງ ແລະ ປະດິດສ້າງພ້ອມກັບປະເທດຊາດ” ແມ່ນຫົວຂໍ້ຂອງວັນກາບກອນ ຫວຽດນາມ ຄັ້ງທີ 15 ປີ 2017 ເຊິ່ງໄດ້ໄຂຂຶ້ນໃນວັນທີ 11/2, ຢູ່ ວັນມ໋ຽວ - ກວກຕື້ຢ໋າມ, ທີ່ຮ່າໂນ້ຍ.
ກ່ອນນີ້ 14 ປີ, ວັນກາບກອນ ຫວຽດນາມ ໄດ້ຮັບການກຳເນີດເພື່ອແນໃສ່ເຊີດຊູ, ໂຄສະນາບັນດາຄຸນຄ່າກາບກອນຂອງຊາດເຖິງມະຫາຊົນໃນທົ່ວປະເທດ, ເພື່ອນມິດສາກົນ. ນັບແຕ່ນັ້ນມາ, ວັນກາບກອນ ຫວຽດນາມ ໄດ້ຮັບການຈັດຕັັ້ງປະຈຳປີໃນວັນທີ 15 ເດືອນຈຽງ (ໄລ່ຕາມຈັນທະປະຕິທິນ).
ປີນີ້, ກ່ອນຈະເຂົ້າເດີນວັນມ໋ຽວ, ຜູ້ນິຍົມກາບກອນໄດ້ຍ່າງບົນໃນ “ເສັ້ນທາງນັກກະວີ”, 2 ພາກທາງໄດ້ວາງສະແດງຮູບພາບພ້ອມກັບຄຳກາບກອນທີ່ເດັ່ນຂອງບັນດານັກກະວີຜູ້ໂດ່ງດັງ. ຜູ້ນິຍົມກາບກອນໄດ້ເຊື່ອມຕົວພ້ອມກັບບັນດາຄຳກາບກອນກ່ຽວກັບປະຊາຊົນ, ປະເທດຊາດ, ຄວາມມຸ່ງຫວັງຂອງບັນດານັກກາບກອນ ຫວຽດນາມ.
ບາງຮູບຖ່າຍໃນພິທີໄຂວັນກາບກອນ ຫວຽດນາມ ຄັ້ງທີ 15:
ວັນກາບກອນ ຫວຽດນາມ ໄດ້ກາຍເປັນງານບຸນວັດທະນະທຳ, ແຫ່ງບັນດານັກກະວີພົບປະກັບມະຫາຊົນ, ຜູ້ນິຍົມກາບກອນ, ເຊີດຊູ, ໂຄສະນາບັນດາຄຸນຄ່າກາບກອນຂອງຊາດເຖິງຊາວ ຫວຽດນາມ ລຸ້ນຕ່າງໆ.
|
ເປັນຄັ້ງທຳອິດ, ວັນກາບກອນ ຫວຽດນາມ ມີ “ເສັ້ນທາງນັກກະວີ”
|
ບົນເສັ້ນທາງນີ້, ບັນດານັກກະວີໂດ່ງດັງຂອງ ຫວຽດນາມ ໄດ້ແນະນຳບັນດາບົດກະວີມ່ວນທີ່ສຸດຂອງເຂົາເຈົ້າ.
|
ຜູ້ອາຍຸສູງຄູ່ໜຶ່ງຈັບມືກັນທັງຍ່າງ, ທັງຫາລືບົດກະວີບົນເສັ້ນທາງນັກກະວີ
|
 ງານວາງສະແດງຢູ່ກາງແຈ້ງ ແນະນຳບັນດາຮູບຖ່າຍ, ໃນນັ້ນມີຫຼາຍຮູບຖ່າຍ ບໍ່ທັນໄດ້ປະກາດ ກ່ຽວກັບການເຄື່ອນໄຫວ, ວິວັດການສ້າງຕັ້ງ ແລະ ພັດທະນາຂອງສະມາຄົມນັກປະພັນ ຫວຽດນາມ.
|
 ບົນເວທີ, ນັກສິປະປິນ ວັນເຈືອງ ແລະ ເວືອງຮ່າ ພວມອ່ານບົດກະວີຂອງປະທານ ໂຮ່ຈີມິນ
|
 ບັນດານັກປະພັນ, ນັກກະວີພົບປະແລກປ່ຽນກັບບັນດາຜູ້ນິຍົມກາບກອນ
|
 ນັກກະວີ ໂຮ່ມີງເຕີມ ພວມອ່ານບົດກາບກອນຂອງຕົນ
|
ວັນກາບກອນແມ່ນໂອກາດເພື່ອໃຫ້ບັນດານັກກະວີພົບປະກັນ, ແບ່ງປັນບັນດາບົດກາບກອນໃໝ່, ບັນດາເລື່ອງລາວກ່ຽວກັບອາຊີບ, ກ່ຽວກັບຊີວິດ.
|
ຜູ້ນິຍົມກາບກອນ ຍາດເວລາອ່ານບັນດາບົດກາບກອນທີ່ຕົນນິຍົມ.
|
 ວັນກາບກອນ ຫວຽດນາມ ດຶງດູດຄວາມສົນໃຈຂອງແຂກທ່ອງທ່ຽວສາກົນ.
|
