|
ໃນລະຫວ່າງວັນທີ 3 ຫາວັນທີ 19 ພຶດສະພາ, ຄະນະນັກຊ່ຽວຊານເສນາຮັກ ຫວຽດນາມ ໄດ້ເຂົ້າຮ່ວມໃນຄະນະປະຕິບັດງານຕ່າງໆຂອງກະຊວງປ້ອງກັນປະເທດ ລາວ ເພື່ອຂົນສົ່ງວັດຖຸອຸປະກອນການແພດ ໂດຍກະຊວງປ້ອງກັນປະເທດ ຫວຽດນາມ ມອບໃຫ້ ລົງໄປຍັງທ້ອງຖິ່ນຕ່າງໆ ແລະ ສຳຫຼວດ, ຕີລາຄາໂດຍກົງລະບົບປ້ອງກັນ, ສະກັດກັ້ນໂລກລະບາດໂຄວິດ - 19 ຂອງ ກອງທັບ ປະຊາຊົນ ລາວ. ຄະນະນັກຊ່ຽວຊານ ໄດ້ກວດກາ ແລະ ແບ່ງປັນປະສົບການ, ແນະນຳວິທີການປ້ອງກັນ, ສະກັດກັ້ນໂລກລະບາດ, ວຽກງານກວດວິໄຈ, ບົ່ງມະຕິ, ປິ່ນປົວຄົນເຈັບຕິດເຊື້ອພະຍາດໂຄວິດ - 19 ແລະ ແກ້ໄຂບັນຫາອະນາໄມສິ່ງແວດລ້ອມໃຫ້ແກ່ຫົວໜ່ວຍຕ່າງໆໂດຍກົງ. ຄຳເຫັນປະກອບຂອງຄະນະ ແມ່ນພື້ນຖານໃຫ້ແກ່ບັນດາຫົວໜ່ວຍປະຕິບັດໜ້າທີ່ປ້ອງກັນ, ສະກັດກັ້ນໂລກລະບາດໂຄວິດ - 19 ໃນໄລຍະຈະມາເຖິງໄດ້ເປັນຢ່າງດີກວ່າ ແລະ ແບ່ງປັນປະສົບການໃຫ້ຫົວໜ່ວຍອື່ນໆທີ່ ຄະນະປະຕິບັດງານບໍ່ມີໂອກາດໄດ້ລົງເຮັດວຽກໂດຍກົງ.
ທີ່ພິທີສະຫຼຸບໄລຍະປະຕິບັດງານ ເຊິ່ງໄດ້ດໍາເນີນໃນວັນທີ 19 ພຶດສະພາ ຢູ່ສຳນັກງານຂອງກະຊວງປ້ອງກັນປະເທດ ລາວ, ຄະນະນັກຊ່ຽວຊານ ເສນາຮັກ ຫວຽດນາມ ກໍໄດ້ຍົກອອກຂໍ້ສະເໜີແນະໃຫ້ການນຳກະຊວງປ້ອງກັນປະເທດ ລາວ ແລະ ຄະນະສະເພາະກິດ ຄວບຄຸມໂຄວິດ - 19 ຂອງກະຊວງປ້ອງກັນປະເທດລາວ ເພື່ອຍົກສູງກຳລັງຄວາມສາມາດໃນການປ້ອງກັນ, ສະກັດກັ້ນໂລກລະບາດຂອງ ກອງທັບປະຊາຊົນ ລາວ ໃນໄລຍະຈະມາເຖິງ.
