(vovworld) - ແຜນຮ່າງສັງລວມ ສ້າງໂຄງປະກອບເສດຖະກິດຄືນໃໝ່ຕິດພັນກັບການຫັນປ່ຽນຮູບແບບການເຕີບໂຕຕາມທິດຍົກສູງປະສິດທິຜົນ, ປະສິດທິພາບ ແລະ ກຳລັງແກ້ງແຍ້ງຂອງພື້ນຖານເສດຖະກິດໄດ້ຖືກບັນດາສະມາຊິກຄະນະປະຈຳສະພາແຫ່ງຊາດນຳມາປຶກສາຫາລື ໃນວາລະປະຊຸມເມື່ອຕອນເຊົ້າວັນທີ 19/4. ປະກອບຄຳເຫັນໃສ່ແຜນຮ່າງ, ທ່ານປະທານສະພາແຫ່ງຊາດຫວຽດນາມ Nguyen Sinh Hung ໄດ້ຕັກເຕືອນວ່າ: ການສ້າງໂຄງປະກອບຄືນໃໝ່ ຫຼືເວົ້າແນວອື່ນແມ່ນ ປ່ຽນແປງຮູບແບບເສດຖະກິດ ແມ່ນວຽກງານຕ້ອງປະຕິບັດເປັນປະຈຳ. ອີງຕາມສະພາບການລະອຽດ ເຊິ່ງແຕ່ລະໄລຍະຄວນມີຮູບການ ແລະ ວິທີປະຕິບັດທີ່ແຕກຕ່າງກັນ, ເຖິງວ່າພ້ອມກັນມຸ້ງໄປເຖິງຄາດໝາຍບັນລຸປະສິດທິຜົນ, ຄຸນນະພາບ, ປະສິດທິຜົນສູງກ່ວາກໍຕາມ. ພິເສດແມ່ນແຜນຮ່າງສັງລວມ, ຄວນມີການຕີລາຄາຢ່າງຮອບດ້ານກ່ຽວກັບຜົນກະທົບຂອງວິວັດການສ້າງໂຄງປະກອບເຖິງດ້ານເສດຖະກິດ, ສັງຄົມ, ສິງແວດລ້ອມຄືນໃໝ່ (ນັບທັງບັນດາປັດໄຈໃໝ່ຄື: ການປ່ຽນແປງຂອງດິນຟ້າອາກາດ, ນ້ຳທະເລຂຶ້ນສູງ...) ຫົວໜ້າກຳມາທິການການເງິນ - ງົບປະມານສະພາແຫ່ງຊາດຫວຽດນາມ Phung Quoc Hien ສະເໜີໃຫ້ອົງການຮຽບຮຽງແຜນຮ່າງຈົ່ງເຮັດໃຫ້ຄວາມແຕກຕ່າງກັນລະຫວ່າງການສ້າງໂຄງປະກອບຄືນໃໝ່ ແລະ ການຫັນປ່ຽນໂຄງປະກອບເສດຖະກິດ ໃຫ້ຈະແຈ້ງລະອຽດ. ບົນທັດສະນະນີ້, ທ່ານ Phung Quoc Hien ຖືວ່າ: ແຜນຮ່າງຄວນແນໃສ່ 2 ຈຸດໝາຍຕົ້ນຕໍ່ນັ້ນແມ່ນ: ເຮັດໃຫ້ພື້ນຖານເສດຖະກິດພັດທະນາເປັນປົກກະຕິ, ຍືນຍົງ ແລະ ມີປະສິດທິຜົນຢູ່ໃນລະດັບສູງກ່ວາ, ພ້ອມທັງ, ສ້າງໂຄງປະກອບເສດຖະກິດລວມ, ສ້າງໂຄງປະກອບເສດຖະກິດຂະແໜງການ ແລະ ທ້ອງຖີ່ນຢ່າງເໝາະສົມ. ຫົວໜ້າກຳມາທິການກ່ຽວກັບບັນດາບັນຫາສັງຄົມສະພາແຫ່ງຊາດຫວຽດນາມ Truong Thi Mai ສະເໜີຈົ່ງເຮັດໃຫ້ຈະແຈ້ງກ່ຽວກັບແຫຼ່ງກຳລັງ ເພື່ອປະຕິບັດການສ້າງໂຄງປະກອບເສດຖະກິດຄືນໃໝ່. ສິ້ນສຸດວາລະປະຊຸມ, ທ່ານນາງຮອງປະທານສະພາແຫ່ງຊາດ Nguyen Thi Kim Ngan ໃຫ້ຮູ້ວ່າ: ແຜນຮ່າງຈະສືບຕໍ່ໄດ້ຮັບການເພີ່ມເຕີມ, ດັບປັບ. ເພື່ອມີຂໍ້ມູນຂ່າວສານ, ພື້ນຖານສ້າງແຜນຮ່າງໃຫ້ສົມບຸນແບບ, ມີກອງປະຊຸມທາບທາມຄຳເຫັນບັນດາຄູ່ຮ່ວມມືພັດທະນາຈະໄດ້ຮັບການຈັດຕັ້ງຂຶ້ນໃນໄວໆນີ້.
