( vovworld ) – ຕອນບ່າຍວັນທີ 8/5, ຄະນະປະຕິບັດງານເຫຼົ່າທັບເຮືອ, ສະຫະພັນແມ່ຍິງຫວຽດນາມ, ພ້ອມກັບບັນດາພະນັກງານແຂວງ ທ໋າຍຫງວຽນ, ທ໋າຍບິ່ງ, ນາມດິ້ງ ແລະ ກວາງນິງ ໄດ້ໄປຢ້ຽມຢາມພະນັກງານນັກຮົບໃນເກາະ ດ໋າໄຕ, ທີ່ຂຶ້ນກັບເມືອງເກາະ ເຈື່ອງຊາ, ແຂວງແຂ໋ງຮ່ວາ. ເກາະ ດ໋າໄຕ ແມ່ນມີທີ່ຕັ້ງຍຸດທະສາດທາງດ້ານເສດຖະກິດ, ບ່ອນທີ່ມີເງື່ອນໄຂຂຸດຄົ້ນ, ຫາປາ, ລ້ຽງປູກສິນໃນນ້ຳ ແລະ ຂຸດຄົ້ນບັນດາແຫຼ່ງຊັບພະຍາກອນທຳມະຊາດ. ຂອງຂວັນຢູ່ເຂດດິນຕໍ່ແຜ່ນຝາກໄປຍັງເກາະ, ພິເສດແມ່ນນ້ຳໃຈຄວາມຮັກແຜງຂອງຄະນະປະຕິບັດງານ, ແມ່ນການລະດົມກຳລັງໃຈຢ່າງໃຫຍ່ຫຼວງໃຫ້ແກ່ພະນັກງານນັກຮົບໃນເກາະ. ຮ້ອຍໂທ Nguyen Duc Khanh ໄດ້ແບ່ງປັນວ່າ.
“ ເປັນທະຫານປະຕິບັດໜ້າທີ່ຢູ່ເກາະ, ພວກຂ້າພະເຈົ້າໄດ້ຮັບກຽດ ແລະ ມີຄວາມປິຕິຊົມຊື່ນເມື່ອຄະນະປະຕິບັດງານມາຢ້ຽມຢາມ, ດ້ວຍບັນດານ້ຳໃຈອັນເລີກເຊິ່ງ ເຊິ່ງເຂດດິນຕໍ່ແຜ່ນໄດ້ຝາກມາໃຫ້, ພິເສດແມ່ນນ້ຳໃຈຂອງບັນດາສະມາຊິກໃນຄະນະປະຕິບັດງານ. ພວກຂ້າພະເຈົ້າຮູ້ສຶກມີຄວາມອົບອຸນຕໍ່ນ້ຳໃຈຂອງປະຊາຊົນເຂດດິນຕໍ່ແຜ່ນ, ຄືເປັນການຕໍກຳລັງແຮງ, ເປັນແຫຼ່ງລະດົມໃຈທີ່ໃຫຍ່ຫຼວງ ເພື່ອໃຫ້ພວກຂ້າພະເຈົ້າປົກປັກຮັກສາເຂດໝູ່ເກາະທະເລຂອງປະເທດຊາດ.”
