(vovworld) – ຕອນບ່າຍວັນທີ 4/4, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີຫວຽດນາມ Nguyen Xuan Phuc ໄດ້ໃຫ້ການຕ້ອນຮັບທ່ານ Federich Sanchez, ປະທານສາກົນ ແລະ ປະທານຄະນະກຳມະການຫວຽດນາມ ສັງກັດສະຫະສະມາຄົມວົງການເຈົ້າຂອງ ຟຣັ່ງພ້ອມກັບວິສາຫະກິດ 30 ແຫ່ງພວມຢູ່ຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານຮອງນາຍົກລັດຖະມົນຕີ Nguyen Xuan Phuc ຕີລາຄາສູງບົດບາດຂອງຟຣັ່ງ ແມ່ນຄູ່ຮ່ວມມືດ້ານເສດຖະກິດສຳຄັນຂອງຫວຽດນາມຢູ່ເອີລົບ. ປະຈຸບັນ, ຟຣັ່ງ ແມ່ນນັກລົງທຶນລາຍໃຫຍ່ຢູ່ເອີລົບເຂົ້າຫວຽດນາມ, ຍືນອັນດັບ 2 ທັດຈາກ ໂຮນລັງ ດ້ວຍ 340 ໂຄງການລົງທຶນ, ລວມຍອດມູນຄ່າກ່ວາ 3 ຕື້ USD. ທ່ານຮອງນາຍົກລັດຖະມົນຕີຢືນຢັນວ່າ: ລັດຖະບານຫວຽດນາມ ສ້າງທຸກເງື່ອນໄຂອຳນວຍຄວາມສະດວກໃຫ້ແກ່ບັນດານັກລົງທຶນຕ່າງປະເທດເວົ້າລວມ, ນັກລົງທຶນ ຟຣັ່ງ ເວົ້າສະເພາະ ທີ່ມາດຳເນີນທຸລະກິດຢູ່ຫວຽດນາມ. ທ່ານຮອງນາຍົກລັດຖະມົນຕີ Nguyen Xuan Phuc ປາຖະໜາວ່າ: 2 ຝ່າຍສືບຕໍເພີ່ມທະວີການຮ່ວມມືເສດຖະກິດໃນບັນດາຂົງເຂດໃຫ້ບຸລິມະສິດຄື: ພະລັງງານ, ອາວະກາດ, ພື້ນຖານໂຄງລ່າງຄົມມະນາຄົມ ແລະ ເຮືອນຢູ່.
