ງານວາງສະແດງ ພາບແຕ້ມຂອງອະດີດ ຈິດຕະກອນ Suzy Cohen
 ພາບແຕ້ມຂອງຈິດຕະກອນ Suzy Cohen
(ພາບ: internet) |
Vovworld- ງານວາງສະແດງພາບແຕ້ມຂອງອະດີດຈິດຕະກອນ Suzy Cohen ທີ່ມີຊື່ວ່າ “ຄວາມຮັກສີສັນ ” ໄດ້ຖືກໄຂຂຶ້ນຢູ່ນະຄອນຫຼວງ ປາຣີ ປະເທດ ຝະລັ່ງ ເພື່ອແນໃສ່ສ້າງຄັງສະໜັບສະໜູນຊ່ວຍເຫຼືອເດັກພິການ, ຜູ້ຮັບເຄາະຮ້າຍຈາກສານພິດສີສົ້ມ/ ດິໂອຊິນຫວຽດນາມ. ບັນດາພາບແຕ້ມຂອງ ຈິດຕະກອນ Suzy Cohen ທີ່ນຳມາວາງສະແດງທີ່ງານດັ່ງກ່າວ ໄດ້ສະແດງໃຫ້ເຫັນດ້ານສິລະປະ ທີ່ເປັນເອກະລັກສະເພາະ. ນັ້ນແມ່ນມີການນຳໃຊ້ໝາຍຈ້ຳນັບລ້ານໆໂດຍປະສົມ ຢ່າງກົມກ່ຽວກັບສີຫຼາກຫຼາຍທີ່ເໝາະສົມ ເພື່ອສ້າງໃຫ້ມີບັນດາພາບແຕ້ມທີ່ເປັນ ເອກະລັກສະເພາະກ່ຽວກັບມະນຸດ, ທິວທັດທຳມະຊາດ ແລະ ອື່ນໆ.
