ງານໂຮມຊຸມນຸມສະເຫຼີມສະຫຼອງວັນກາແດງ, ກາຊິກວົງເດືອນແດງສາກົນ
(vovwold) - ຕອນເຊົ້າວັນທີ 6/5, ຢູ່ແຂວງຫາຍເຢືອງ, ສູນກາງສະພາກາແດງຫວຽດນາມ ໄດ້ຈັດງານໂຮມຊຸມນຸມສະເຫຼີມສະຫຼອງວັນກາແດງ, ກາຊິກວົງເດືອນແດງສາກົນ (8/5) ດ້ວຍຫົວຂໍ້ວ່າ: ”ໄວໜຸ່ມພ້ອມກັນກະທຳ: ເຮັດໃຫ້ຫຼາຍກວ່າ - ເຮັດໃຫ້ດີກວ່າ - ບືນຕົວຂຶ້ນ” ພ້ອມທັງປຸກລະດົມຂະບວນການ ”ຢາດເລືອດແດງ” - ລະດູຮ້ອນ 2012 ແລະ ລາຍການຕ້ານພະຍາດຕີນມືປາກເປື່ອຍ. ສະພາກາແດງກໍ່ໄດ້ຍູ້ແຮງການເຄື່ອນໄຫວຕ່າງໆທີ່ມີການເຂົ້າຮ່ວມຢ່າງຕັ້ງໜ້າຂອງໄວໜຸ່ມຄື: ປ້ອງກັນ, ຕ້ານໄພທຳມະຊາດ, ເອົາໃຈໃສ່ເບິ່ງແຍງສຸຂະພາບຂອງວົງຄະນາຍາດ, ບໍລິຈາກເລືອດມະນຸດສະທຳ.. ທ່ານ Phung Van Hoan, ຮອງປະທານສະພາກາແດງຫວຽດນາມ, ໃຫ້ຮູ້ວ່າ:
”ປີ 2012, ຂະບວນການກາແດງ, ກາຊິກວົງເດືອນແດງສາກົນໄດ້ຮຽກຮ້ອງໃຫ້ຊາວໜຸ່ມອາສາສະໝັກໃນທົ່ວໂລກ ອຸທິດສ່ວນໃຫ້ແກ່ການເຄື່ອນໄຫວມະນຸດສະທຳ, ການເຄື່ອນໄຫວຂອງໄວໜຸ່ມຈະສູມໃສ່ 3 ຂົງເຂດຄື: ກະກຽມຮັບມືກັບໄພທຳມະຊາດ ແລະສະພາວະການອັນຮີບດ່ວນ, ເພີ່ມທະວີຄວາມສາມາດສຳພັດກັບການບໍລິການເບິ່ງແຍງສຸຂະພາບ, ກໍ່ສ້າງພື້ນຖານວັດທະນະທຳສັນຕິພາບ, ບໍ່ໃຊ້ຄວາມຮຸນແຮງ. ”
