 ທ່ານ James Kraska, ສາດສະດາຈານກົດໝາຍການເດີນເຮືອສາກົນ ຢູ່ມະຫາວິທະຍາໄລບັ້ນຮົບທາງທະເລ ອາເມລິກາ |
ນີ້ແມ່ນຂໍ້ສັງເກດໂດຍທ່ານ James Kraska, ສາດສະດາຈານກົດໝາຍການເດີນເຮືອສາກົນ ຢູ່ມະຫາວິທະຍາໄລບັ້ນຮົບທາງທະເລ ອາເມລິກາ ຍົກອອກມາໃນການສຳພາດຕໍ່ນັກຂ່າວ VOV ໃນໄລຍະມໍ່ໆມານີ້. ທ່ານ James Kraska ເນັ້ນໜັກວ່າ:
“ອັນທີ່ເອີ້ນວ່າແມ່ນເຂດຊີຊາ ແລະ ເຂດໜານຊາ ເຊິ່ງ ຈີນ ຖະແຫຼງສ້າງຕັ້ງຢູ່ເຂດທະເລຂຶ້ນກັບອະທິປະໄຕຂອງ ຫວຽດນາມ ໂດຍບໍ່ຫົວຊາ ນັ້ນແມ່ນການກະທຳກໍ່ຄວາມຂາດສະຖຽນລະພາບໃນພາກພື້ນຢ່າງຮຸນແຮງ ຍ້ອນມັນລະເມີດກົດບັດສະຫະປະຊາຊາດ ລະເມີດເຂດນ້ຳແດນດິນ, ສິດອະທິປະໄຕ ແລະ ຄວາມເອກະລາດກ່ຽວກັບດ້ານການເມືອງຂອງປະເທດອື່ນ. ອັນທີ່ເອີ້ນວ່າເຂດຊີຊາ ແລະ ເຂດໜານຊາ ຂອງ ຈີນ ຍັງໄດ້ລະເມີດບັນດາມາດຕາຂອງສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 ຕື່ມອີກ.”
ຕາມທ່ານ James Kraska ແລ້ວ, ການກະທຳດັ່ງກ່າວຂອງ ຈີນ ຍັງໄດ້ລະເມີດມາດຕາ 87 ແລະ 58 ຂອງ UNCLOS, ໃນນັ້ນ ຢັ້ງຢືນສິດເສລີໃນການເດີນເຮືອ ແລະ ການບິນໃນພາກພື້ນ. ສະນັ້ນ, ບັນດາການກະທຳຜິດພາດຂອງ ຈີນ ຄວນມີການຄັດຄ້ານຢ່າງແຮງກ່ວາອີກ ຈາກປະຊາຄົມສາກົນ.
