ວັນທີ 13 ຕຸລາ, ຈີນ ກ່າວເຕືອນວ່າຈະໂຕ້ຕອບດ້ວຍບັນດາມາດຕະການຄ້າຍຄືກັນ ຖ້າຫາກວ່າ ອາເມລິກາ ຈັດວາງພາສີຕື່ມອີກ 100% ໃຫ້ສຳລັບສິນຄ້າຂອງປະເທດນີ້ ໃນຂະນະທີ່ການຕໍ່ສູ້ດ້ານການຄ້າລະຫວ່າງສອງປະເທດພວມເຄັ່ງຕຶງຂຶ້ນໃໝ່.
(ພາບ: ກະຊວງການຕ່າງປະເທດ ຈີນ) |
ທີ່ການປະຊຸມຂ່າວນັດສາມັນຈັດຂຶ້ນໃນຕອນບ່າຍຂອງວັນທີ 13 ຕຸລາ, ທ່ານ ຫຼີນຈຽນ ໂຄສົກກະຊວງການຕ່າງປະເທດ ຈີນ ໄດ້ເລັ່ງໃຫ້ ວໍຊິງຕັນ “ຈົ່ງດັດສົມບັນດາການກະທຳອັນຜິດພາດໂດຍໄວ” ແລະ ແກ້ໄຂບັນດາຄວາມວິຕົກກັງວົນຂອງກັນຜ່ານການເຈລະຈາ “ບົນເນື້ອໃນຈິດໃຈສະເໝີພາບ, ເຄົາລົບ ແລະ ຕ່າງຝ່າຍຕ່າງມີຜົນປະໂຫຍດ”.
ຂ້າພະເຈົ້າຢາກເນັ້ນໜັກວ່າ: ໃນໄລຍະມໍ່ໆມານີ້, ອາເມລິກາ ໄດ້ຈັດວາງບັນດາມາດຕະການຈຳກັດ ແລະ ລົງໂທດສຳລັບ ຈີນ ຢ່າງຕໍ່ເນື່ອງ, ຊື່ງໄດ້ກໍ່ຜົນເສຍຫາຍອັນໜັກໜ່ວງເຖິງຜົນປະໂຫຍດຂອງ ຈີນ. ຈີນ ເດັດດ່ຽວຄັດຄ້ານສິ່ງນີ້… ຖ້າຫາກວ່າ ອາເມລິກາ ຍັງຈະເຮັດຕາມຄວາມຄິດຂອງຕົນ, ຈີນ ຈະເດັດດ່ຽວປະຕິບັດບັນດາມາດຕະການໂຕ້ຕອບທີ່ຄ້າຍຄືກັນ ເພື່ອປົກປ້ອງບັນດາສິດ ແລະ ຜົນປະໂຫຍດອັນຊອບທຳຂອງຕົນ.
