 ພາບປະກອບ: KEYSTONE/EDA/Martial Trezzini/REUTERS |
ວັນທີ 26 ຕຸລາ, ຈີນ ແລະ ອາເມລິກາ ໄດ້ສິ້ນສຸດຮອບເຈລະຈາຄັ້ງໃໝ່ ຢູ່ນະຄອນຫຼວງ Kuala Lumpur, ມາເລເຊຍ. ປັກກິ່ງ ໃຫ້ຮູ້ວ່າສອງປະເທດບັນລຸໄດ້ຄວາມເຫັນດີເຫັນພ້ອມເບື້ອງຕົ້ນ ກ່ຽວກັບ ບັນດາບັນຫາ, ລວມມີການຕໍ່ກຳນົດພາສີອາກອນ, fentanyl ແລະ ການຄວບຄຸມການສົ່ງອອກ. ທ່ານຮອງນາຍົກລັດຖະມົນຕີ ຈີນ He Lifeng ໄດ້ພົບປະກັບທ່ານລັດຖະມົນຕີການເງິນ ອາເມລິກາ Scott Bessent ແລະ ຜູ້ຕາງໜ້າທາງການຄ້າ Jamieson Greer ຢູ່ນອກກອງປະຊຸມສຸດຍອດ ອາຊຽນ ຢູ່ Kuala Lumpur. ຕາມຂໍ້ມູນໄດ້ຮັບຈາກຝ່າຍ ຈີນ ແລ້ວ, ສອງຝ່າຍໄດ້ແລກປ່ຽນທັດສະນະຢ່າງກົງໄປກົງມາ, ເລິກເຊິ່ງ ແລະ ມີລັກສະນະສ້າງສັນ ກ່ຽວກັບບັນດາບັນຫາເສດຖະກິດ - ການຄ້າ ສຳຄັນຕ່າງຝ່າຍຕ່າງມີຄວາມສົນໃຈ. ຈີນ ແລະ ອາເມລິກາ ເຫັນດີເປັນເອກະພາບຈະເສີມຂະຫຍາຍກົນໄກປຶກສາຫາລືເສດຖະກິດ - ການຄ້າສອງຝ່າຍ, ຮັກສາການຕິດຕໍ່ພົວພັນຢ່າງແໜ້ນແຟ້ນກ່ຽວກັບບັນດາຄວາມສົນໃຈຂອງກັນ, ຊຸກຍູ້ການພົວພັນເສດຖະກິດ - ການຄ້າ ຂອງສອງປະເທດໃຫ້ມີການພັດທະນາຢ່າງໂປ່ງໃສ, ມີສະຖຽນລະພາບ ແລະ ຍືນຍົງ.
