( vovworld ) – ທີ່ນການພົບປະໃນວັນທີ 2/5 ຢູ່ປັກກິງ, ທ່ານລັດຖະມົນຕີກະຊວງປ້ອງກັນປະເທດ ຫຼຽງກວ່າເຫຼຍ ແລະ ທ່ານຜູ້ຮັກສາການຮອງລັດຖະມົນຕີກະຊວງປ້ອງກັນປະເທດອາເມລິກາ James Mikker ສະແດງຄວາມປາດຖະໜາຢາກຮັກສາການພົວພັນດ້ານການທະຫານສອງຝ່າຍ ແລະ ສືບຕໍ່ພັດທະນາຢ່າງໝັ້ນຄົງເຂັ້ມແຂງ. ທ່ານລັດຖະມົນຕີ ຫຼຽງກວ່າເຫຼຍ ໄດ້ຖືວ່າ ການພົວພັນດ້ານການທະຫານລະຫວ່າງສອງປະເທດ ພວມມີກາລະໂອກາດຫຼາຍຢ່າງເພື່ອເປີດກວ້າງ. ເພາະສະນັ້ນ, ທ່ານກໍຮຽກຮ້ອງໃຫ້ສອງຝ່າຍພັດທະນະການພົວພັນດັ່ງກ່າວຕາມທິດຖືກຕ້ອງ ເໝາະສົມກັບຫຼັກການເຄົາລົບ, ມີຄວາມໄວ້ເນື້ອເຊື່ອໃຈ ແລະ ເພື່ອຜົນປະໂຫຍດຂອງແຕ່ລະຝ່າຍ. ສ່ວນທ່ານຜູ້ຮັກສາການຮອງລັດຖະມົນຕີກະຊວງປ້ອງກັນປະເທດອາເມລິກາ James Mikker ໄດ້ຖືວ່າ ການພົວພັນດ້ານການທະຫານແມ່ນຂົວເຊື່ອມຕໍ່ສຳຄັນໃນການພົວພັນສອງຝ່າຍ. ທ່ານ James Mikker ໃຫ້ຮູ້ວ່າ ຍາມໃດ ອາເມລິກາ ພ້ອມແລ້ວທີ່ຈະຮ່ວມມືກັບຈີນ ໃນການຮັກສາສາຍພົວພັນສອງຝ່າຍຢ່າງໝັ້ນຄົງ ແລະ ເຂັ້ມແຂງ, ເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ແລະ ຮັບປະກັນສິດຜົນປະໂຫຍດຄວາມສະຫງົບປອດໄພຂອງແຕ່ລະປະເທດ.
