( vovworld ) – ຕອນເຊົ້າວັນທີ 21/5, ສະມາຄົມຄົນຕາບອດ ຫວຽດນາມ ສົມທົບກັບອົງການ Maryknoll ໄດ້ຈັດກອງປະຊຸມຜັນຂະຫຍາຍໂຄງການ “ພັດທະນາລະບົບຂໍ້ມູນຂ່າວຂອງສະມາຄົມຄົນຕາບອດຫວຽດນາມ“ ຊື່ງແມ່ນໂຄງການເພື່ອແນໃສ່ສ້າງໂອກາດໃຫ້ຄົນຕາບອດໃນທົ່ວປະເທດສາມາດສຳພັດກັບບັນດາແຫຼ່ງຂໍ້ມູນຂ່າວ ແລະ ຄວາມຮູ້ດ້ານການສຶກສາ, ສອນວິຊາຊີບ, ຊອກຫາວຽກເຮັດງານທຳ, ຂ່າວບັນເທິງ…. ຢ່າງງ່າຍດາຍ, ດ້ວຍວິທີເພີ່ມຄວາມສາມາດນຳໃຊ້ເຕັກໂນໂລຊີຂໍ້ມູນຂ່າວສານຂອງສະມາຄົມ, ປະກອບສ່ວນປັບປຸງຊີວິດການເປັນຢູ່ໃຫ້ແກ່ຄົນຕາບອດ ແລະ ຊ່ວຍໃຫ້ເຂົາເຈົ້າເຈືອຈານເຂົ້າກັບວົງຄະນາຍາດ ແລະ ສັງຄົມໄດ້ໄວກ່ວາ. ໃນປີ 2012, ໂຄງການຈະນຳປະຕູຖານຂໍ້ມູນສະຫງວນໃຫ້ແກ່ຄົນຕາບອດເຂົ້າເຄື່ອນໄຫວ. Maryknoll ແມ່ນອົງການມະນຸດສະທຳເຮັດວຽກຢູ່ 25 ປະເທດໃນໂລກ, ໃນນັ້ນມີ ຫວຽດນາມ. ໃນເວລາ 20 ປີໄດ້ເຮັດວຽກຢູ່ຫວຽດນາມ (1992-2012), Maryknoll ໄດ້ຜັນຂະຫຍາຍຫຼາຍໂຄງການເພີ່ມທະວີຄວາມສາມາດຟື້ນຟູອະໄວຍະວະໃຫ້ແກ່ຄົນພິການຢູ່ບັນດາແຂວງ Hai Duong, Vinh Phuc, Nam Dinh.
