ບັນດາຄອບຄົວຂອງຜູ້ຖືກປະສົບເຄາະຮ້າຍຢູ່ລັດ Niger ຢັ້ງຢືນວ່າ ເຂົາເຈົ້າບໍ່ໄດ້ຮັບບໍ່ວ່າຂໍ້ມູນໃໝ່ໃດໆກ່ຽວກັບຊາຕະກຳຂອງພວກນ້ອງນັກຮຽນ, ກໍຄືບັນດາຄວາມມານະພະຍາຍາມຂອງລັດຖະບານ ເພື່ອແນໃສ່ກອບກູ້ຈຳນວນນັກຮຽນດັ່ງກ່າວ. ໄລ່ມາຮອດປັດຈຸບັນ, ຫາກໍ່ມີນັກຮຽນປະມານ 50 ຄົນ ໃນຈຳນວນນັກຮຽນທັງໝົດ 303 ຄົນທີ່ຖືກລັກພາຕົວສາມາດແລ່ນໜີອອກໄປໄດ້ ຫຼື ໄດ້ຮັບການກອບກູ້. ນັກຊ່ຽວຊານຈຳນວນໜຶ່ງຖືວ່າ ບັນດາກຸ່ມທີ່ມີສາຍສຳພັນກັບສອງອົງການກໍ່ການຮ້າຍ Al Qaeda ແລະ ລັດ ອິດສະລາມ (IS) ອ້າງຊື່ເອງ ອາດຈະຢູ່ເບື້ອງຫຼັງຂອງເຫດລັກພາຕົວນີ້.
ຫຼ້າສຸດ, ວັນທີ 26 ພະຈິກ, ຕຳຫຼວດ ນີເຊເຣຍ ໃຫ້ຮູ້ວ່າ ມີຊາວກະສິກອນຢ່າງໜ້ອຍສຸດ 10 ຄົນ ຢູ່ໝູ່ບ້ານຈຳນວນໜຶ່ງຢູ່ Noger ນີ້ ກໍ່ຖືກບັນດາມືປືນລັກພາຕົວ. ປັດຈຸບັນ, ກຳລັງມີໜ້າທີ່ຮັບຜິດຊອບພວມຜັນຂະຫຍາຍມາດຕະການຕ່າງໆເພື່ອສືບຫາ ແລະ ກອບກູ້ຜູ້ປະສົບເຄາະຮ້າຍ.
ບາທີ - ນັກຂ່າວ VOV ປະຈຳ ອີຢິບ
