ຍີ່ປຸ່ນ, ອີຕາລີ ເຫັນດີຈະຊຸກຍູ້ການເຈລະຈາ FTA ລະຫວ່າງຍີ່ປຸ່ນ ແລະ EU
( vovworld ) – ທ່ານນາຍົກລັດຖະມົນຕີຍີ່ປຸ່ນ Yoshihico Noda ແລະ ທ່ານນາຍົກລັດຖະມົນຕີ ອີຕາລີ Mario Monti ຫາກໍເຫັນດີເປັນເອກະສັນນຳກັນ ໃນການຊຸກຍູ້ການເຈລະຈາສັນຍາການຄ້າເສລີລະຫວ່າງຍີ່ປຸ່ນ ແລະ ສະຫະພາບເອີລົບ (EU). ກ່າວຄຳເຫັນຫຼັງການພົບປະເຈລະຈາສອງຝ່າຍທີ່ນະຄອນຫຼວງໂຕກຽວ, ທ່ານນາຍົກລັດຖະມົນຕີທັງ 2 ຖືວ່າ ທັງຍີ່ປຸ່ນ ແລະ ອີຕາລີ ພວມພ້ອມກັນປະເຊີນໜ້າກັບບັນດາການທ້າທາຍດ້ານເສດຖະກິດທົ່ວໄປຄື: ການສ້າງໂຄງປະກອບນະໂຍບາຍປີການເງິນ ແລະ ຮັກສາການຈະເລີນເຕີມໂຕດ້ານເສດຖະກິດ, ທ່ານນາຍົກລັດຖະມົນຕີ ອີຕາລີ Mario Monti ຖືວ່າ: ຍີ່ປຸ່ນ ແລະ EU ຕ້ອງຮັດແໜ້ນການຮ່ວມມືດ້ານເສດຖະກິດກ່ວາອີກ, ເນັ້ນໜັກເຖິງຄວາມສຳຄັນຂອງການຍົກເລິກບັນດາຮົ້ວປອດພາສີ ໂດຍຜ່ານການເຊັນສັນຍາຄູ່ຮ່ວມມືເສດຖະກິດສອງຝ່າຍ (EPA). ຍີ່ປຸ່ນ ແລະ EU ໄດ້ເຫັນດີຈະເລີ່ມບັນດາຮອບເຈລະຈາໃນເບື້ອງຕົ້ນກ່ຽວກັບ EPA ໃນເດືອນ 5 ທີ່ຈະມາເຖິງ.
