 ທ່ານ Kimihiro Ishikane ແລະ ທ່ານເລຂາທິການໃຫຍ່
ອາຊຽນ ສຸຣີນ ພິດສຸວັນ ພາບຈາກ internet |
(vovworld) - ວັນທີ 13/3 ຍີ່ປຸ່ນໄດ້ແຕ່ງຕັ້ງທ່ານ Kimihiro Ishikane ເປັນເອກອັກຄະລັດຖະທູດປະຈຳ ອາຊຽນ ແທນໃຫ້ທ່ານ Takio Yamada ເອກອັກຄະລັດຖະທູດຜູ້ທຳອິດຂອງປະເທດນີ້ ປະຈຳອາຊຽນ. ກ່າວຄຳເຫັນທີ່ພິທີຮັບສານຕາຕັ້ງຂອງທ່ານ Kimihiro Ishikane ຢູ່ສຳນັກງານຄະນະເລຂາອາຊຽນ ຢູ່ ຢາກາກຕາ ປະເທດ ອິນໂດເນເຊຍ, ທ່ານເລຂາທິການໃຫຍ່ ອາຊຽນ ສຸຣີນ ພິດສຸວັນ ໄດ້ຊົມເຊີຍເລື່ອງຍີ່ປຸ່ນແຕ່ງຕັ້ງເອກອັກຄະລັດຖະທູດ Kimihiro Ishikane ແລະ ສະແດງຄວາມເຊື່ອໝັ້ນວ່າ ບັນດາບົດຮຽນອຸດົມສົມບູນຂອງເພີ່ນ ຈະປະກອບສ່ວນຊຸກຍູ້ການພົວພັນຮ່ວມມືລະຫວ່າງ ອາຊຽນ ແລະ ຍີ່ປຸ່ນ. ສ່ວນທ່ານ Ishikane ໄດ້ເນັ້ນຫນັກຄວາມສຳຄັນທາງດ້ານພູມີປະເທດ, ການເມືອງຂອງອາຊຽນທີ່ມີຕໍ່ບັນດາຜົນປະໂຫຍດຂອງຍີ່ປຸ່ນ, ຢືນຢັນຄວາມສັນຕິພາບ, ຄວາມໝັ້ນຄົງ, ສະຖຽນລະພາບ ແລະວັດທະນາຖາວອນຂອງທົ່ວພາກພື້ນອາຊີຕາເວັນອອກ ນັບທັງອາຊຽນ ພ້ອມທັງໃຫ້ຮູ້ວ່າ: ຍີ່ປຸ່ນ ຈະສືບຕໍ່ຫນູນຊ່ວຍດຳເນີນການສ້າງປະຊາຄົມອາຊຽນໃນປີ 2015.
