(vovworld) – ວັນທີ 18/4 (ຕາມເວລາທ້ອງຖີ່ນ), ຢູ່ນະຄອນຫຼວງ Caracas, ແຫ່ງປະເທດ Venezuela, ສະໄໝປະຊຸມຄັ້ງທີ 2 ຄະນະກຳມະການລະຫວ່າງລັດຖະບານຫວຽດນາມ - Venezuela ໄດ້ໄຂຂຶ້ນຢ່າງເປັນທາງການພາຍໃຕ້ການເປັນປະທານຂອງທ່ານຮອງປະທານາທິບໍດີ Rafael Ramirez ແລະ ທ່ານຮອງນາຍົກລັດຖະມົນຕີຫວຽດນາມ Hoang Trung Hai. ກ່ຽວກັບດ້ານກະສິກຳ, 2 ຝ່າຍໄດ້ແລກປ່ຽນແຜນການຜັນຂະຫຍາຍ 3 ໂຄງການປູກເຂົ້າປະສົມກັບການລ້ຽງປາ, ລ້ຽງກຸ້ງ ແລະ ປູກຢາງພາລາຢູ່ Venezuela. ກ່ຽວກັບດ້ານວັດທະນະທຳ, 2 ຝ່າຍໄດ້ເຫັນດີເປັນເອກະສັນກັນຈະຈັດຕັ້ງສັບປະດາວັດທະນະທຳ Venezuela ຄັ້ງທີ 2 ຢູ່ຫວຽດນາມ ດ້ວຍການເຄື່ອນໄຫວສະແດງສິປະລະ, ງານວາງສະແດງເຄື່ອງສິລະປະກຳ ຫັດຖະກຳ ແລະ ວາງສະແດງຮູບພາບ. ສະເພາະໃນຂົງເຂດນ້ຳມັນອາຍແກດ, 2 ຝ່າຍໄດ້ເຫັນດີເປັນເອກະສັນກັນຍູ້ແຮງຄາດໝາຍຂຸດຄົ້ນກະແສນ້ຳມັນໄວສຸດໃນປີ 2012 ຂອງໂຄງການ Junin 2 ກໍຄືສະຖານທີ່ຂຸດຄົ້ນສຳຄັນອື່ນໆ.
