 ໂຮງງານກັ່ນຕອງນ້ຳມັນ ຢູງກວັດ (ພາບ:baoquangngai.vn) |
ຜົນສະທ້ອນຈາກໂລກລະບາດໂຄວິດ 19 ເຮັດໃຫ້ທຸກການເຄື່ອນໄຫວບໍລິການ ການທ່ອງທ່ຽວ ຢູ່ ແຂວງ ແຄງຮ່ວາ ລ້ວນແຕ່ຖືກຢຸດສະງັກ. ອຸດສາຫະກຳກາຍເປັນເສົາຄ້ຳເພື່ອໃຫ້ແຂວງ ດຸ່ນດ່ຽງງົບປະມານ, ແກ້ໄຂວຽກງານເຮັດງານທຳ, ຮັບປະກັນຊີວິດສັງຄົມ ແລະ ມຸ່ງໄປເຖິງເປົ້າໝາຍຍາວໄກກວ່າ ນັ້ນແມ່ນ ກໍ່ສ້າງແຂວງ ໃຫ້ກາຍເປັນ “ສູນເສດຖະກິດທະເລ, ສູນການທ່ອງທ່ຽວ, ບໍລິການໃຫຍ່ຂອງທົ່ວປະເທດ”. ທ່ານ ຫງວຽນເຕີນຕວັນ, ປະທານ ຄະນະກຳມະການປະຊາຊົນແຂວງ ແຄງຮ່ວາ ໃຫ້ຮູ້ວ່າ: ມະຕິກອງປະຊຸມໃຫຍ່ອົງຄະນະພັກແຂວງ ແຄງຮວ່າ ກຳນົດເປົ້າໝາຍກໍ່ສ້າງພື້ນຖານເສດຖະກິດແບບຍືນຍົງໃນການປ້ອງກັນ ສະກັດກັ້ນໂລກລະບາດຢ່າງຈະແຈ້ງ.
“ກຳນົດ, ພັດທະນາເສດຖະກິດແບບຍືນຍົງ, ປອດໄພຢ່າງແທ້ຈິງ. ແຂວງແຄງຮ່ວາ ກຳແຫນ້ນໄດ້ກາລະໂອກາດສະດວກ, ຫັນເປັນກາລະໂອກາດ ດ້ວຍວິທີຮຽກຮ້ອງບັນດານັກລົງທຶນ ຍ້າຍແຫລ່ງທຶນຈາກບັນດາປະເທດພວມປະສົບກັບຄວາມຫຍຸ້ງຍາກ ໃນການລົງທຶນຊ່ວງເວລາເກີດໂລກລະບາດໂຄວິດ 19. ແຂວງ ແຄງຮ່ວາ ແລະ ຍາຈາງ, ເວີນຟອງ ພ້ອມແລ້ວ ທີ່ຈະຮຽກຮ້ອງບັນດານັກລົງທຶນເຂົ້າມາຕະຫລາດໃຫມ່ອ່ຽມນີ້”
 ປະຕູເຂົ້າເຂດເຕັກໂນໂລຊີສູງ ດາຫນັງ (ພາບ:Báo Công Thương) |
ຢູ່ ແຂວງ ກວ໋າງຫງ໋າຍ ໃນຫລາຍປີມານີ້ ແຫລ່ງລາຍຮັບງົບປະມານຂອງແຂວງ ສ່ວນຫລາຍແມ່ນອີງໃສ່ການເຄື່ອນໄຫວຜະລິດດຳເນີນທຸລະກິດຂອງໂຮງງານກັ່ນຕອງນ້ຳມັນ ຢູງກວັດ ດ້ວຍອັດຕາສ່ວນແມ່ນ 45%. ປີ 2020 ຍ້ອນລາຄານ້ຳມັນດິບຫລຸດລົງຢ່າງແຮງ, ຜົນສະທ້ອນຈາກໂລກລະບາດໂຄວິດ 19 ແລະ ການເຄື່ອນໄຫວຮັກສາໂຮງງານໄດ້ເຮັດໃຫ້ ງົບປະມານຂອງແຂວງ ຂາດປະມານ 3.055 ຕື້ດົ່ງ.
ທ່ານ ດັ້ງວັນມີງ ປະທານ ຄະນະກຳມະການປະຊາຊົນ ແຂວງ ກວ໋າງຫງາຍ ໃຫ້ຮູ້ວ່າ: ແຂວງ ໄດ້ປຶກສາຫາລືຫລາຍມາດຕະການສຸມໃສ່ດຶງດູດບັນດາໂຄງການອຸດສາຫະກຳຂະຫນາດໃຫຍ່, ມຸ່ງໄປເຖິງຄາດໝາຍປີ 2025 ກາຍເປັນແຂວງບັນລຸການເຕີບໂຕດີສົມຄວນ, ລາຍຮັບສະເລ່ຍຕໍ່ຫົວຄົນແມ່ນເພີ່ມຂຶ້ນທົບສອງເທົ່າເມື່ອທຽບໃສ່ລະດັບ 2.200 USD ຄືປະຈຸບັນ.
“ຢາກຫລຸດຜ່ອນການອີງໃສ່ແຫລ່ງລາຍຮັບຂອງໂຮງງານກັ່ນຕອງນ້ຳມັນຢູງກວັດ ພວກເຮົາໄດ້ດຶງດູດບັນດາວິສາຫະກິດໃຫຍ່ເຂົ້າມາລົງທຶນພັດທະນາອຸດສາຫະກຳຢູ່ບໍລິເວນແຂວງ, ຍູ້ແຮງການປະຕິຮູບດ້ານບໍລິຫານ, ສ້າງສະພາບແວດລ້ອມການລົງທຶນສະດວກ, ບຸກເບີກຫນ້າພຽງ... ເພື່ອໃຫ້ວິສາຫະກິດມີເງື່ອນໄຂພຽງພໍເຂົ້າມາລົງທຶນ”
ຢູ່ບໍລິເວນແຂວງ ກວ໋າງນາມ, ຜົນສະທ້ອນຈາກໂລກລະບາດໂຄວິດ 19 ແລະ ພາຍຸນ້ຳຖ້ວມ ໄພທຳມະຊາດເກີດຂຶ້ນຢ່າງຕໍ່ເນື່ອງ ເຮັດໃຫ້ຫລາຍຂົງເຂດເສດຖະກິດຂອງທ້ອງຖິ່ນຖືກຫລຸດລົງຢ່າງແຮງ. ທ່ານ ເລວັນຢູງ ຮອງເລຂາຜູ້ປະຈຳການຄະນະພັກແຂວງ ກວ໋າງນາມ ໃຫ້ຮູ້ວ່າ: ທ້ອງຖິ່ນ ຕ້ອງຊອກຫາມາດຕະການປ່ຽນແທນ ເພື່ອຮັບປະກັນໃຫ້ພື້ນຖານເສດຖະກິດພັດທະນາແບບຍືນຍົງ, ມີຄວາມປອດໄພໃນຊ່ວງເວລາເກີດໂລກລະບາດ.
“ກຳນົດທິດພັດທະນາກ່ຽວກັບກະສິກຳເຕັກໂນໂລຊີສູງ, ເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປຽບກະສິກຳຂອງແຂວງ ສືບຕໍ່ຮັກສາທ່າໝັ້ນຄົງໃນຊ່ວງເວລາເກີດໂລກລະບາດ. ພ້ອມກັນນັ້ນ ກໍ່ສຸມໃສ່ພັດທະນາອຸດສາຫະກຳ, ສຸມໃສ່ປະຕິບັດບາງໂຄງການໃຫຍ່ ເພື່ອໃຫ້ພວກເຮົາສາມາດຈຳກັດຜົນເສຍຫາຍຍ້ອນໂລກລະບາດໂຄວິດ 19 ກໍ່ຂຶ້ນ”
ນະຄອນ ດາຫນັງ ແມ່ນເຂດເກີດໂລກລະບາດໂຄວິດ 19 ຢ່າງຮ້າຍແຮງ ສະນັ້ນ ໄດ້ວາງອອກ 3 ຫນ້າທີ່ຈຸດສຸມ, ບຸກທະລຸ, ປະຕິບັດ ບັນດາມາດຕະການຢ່າງຄົບຊຸດເພື່ອແກ້ໄຂຜົນສະທ້ອນຈາກໂລກລະບາດໂຄວິດ 19, ຟື້ນຟູທ່າເຕີບໂຕເສດຖະກິດສັງຄົມຂອງທ້ອງຖິ່ນຄືນໃຫມ່.
ບັນດາທ້ອງຖິ່ນ ພາກກາງ ຫວຽດນາມ ໄດ້ດັດປັບບັນດາມາດຕະການໃຫ້ເໝາະສົມເພື່ອຮັບມືກັບໂລກລະບາດໂຄວິດ 19, ຍົກສູງຊີວິດການເປັນຢູ່ຂອງປະຊາຊົນ, ພັດທະນາແບບຍືນຍົງ ປອດໄພ ພ້ອມທັງສຸມກຳລັງເຫື່ອແຮງກໍ່ສ້າງພື້ນຖານເສດຖະກິດພັດທະນາແບບຍືນຍົງໃນທ່າອ່ຽງໂລກາພິວັດໃຫ້ນັບມື້ນັບເລິ່ງເຊິ່ງກວ້າງຂວາງ.
