ສະພາຄວາມໝັ້ນຄົງສະຫະຫະຊາຊາດ ອອກຖະແຫຼງການປະທານ ກ່ຽວກັບການລົງໂທດສາທາລະນະລັດ ປະຊາຊົນ ປະຊາທິປະໄຕເກົາຫຼີ
( vovworld ) – ວັນທີ 16/4, ສະພາຄວາມໝັ້ນຄົງສະຫະຫະຊາຊາດ ໄດ້ເຫັນດີຮັບຮອງເອົາຖະແຫຼງການປະທານກ່ຽວກັບການເພີ່ມທະວີບັນດາມາດຕະການລົງໂທດຕໍ່ສາທາລະນະລັດ ປະຊາຊົນ ປະຊາທິປະໄຕເກົາຫຼີ ພາຍຫຼັງການຍິງດາວທຽມປະລາໄຊຂອງປະເທດນີ້ໃນທ້າຍອາທິດກ່ອນ ພ້ອມທັງກ່າວເຕືອນວ່າສະພາຄວາມໝັ້ນຄົງສະຫະຫະຊາຊາດ ຈະ “ມີການກະທຳຢ່າງແຮງກ່ວາອີກ“ ຖ້າຫາກວ່າປະເທດນີ້ສືບຕໍ່ດຳເນີນບັນດາການທົດລອງນິວເຄຼຍ ຫຼືລູກສອນໄຟນຳວິຖີໃໝ່. ຖະແຫຼງການຊີ້ແຈ້ງວ່າ ໂດຍອີງຕາມບັນດາມະຕິລົງໂທດສາທາລະນະລັດ ປະຊາຊົນ ປະຊາທິປະໄຕເກົາຫຼີ ຊື່ງຖືກຈັດວາງເມື່ອປີ 2006 ແລະ 2009 ພາຍຫຼັງທີ່ປະເທດນີ້ດຳເນີນການທົດລອງອາວຸດນິວເຄຼຍ, ສະພາຄວາມໝັ້ນຄົງສະຫະຫະຊາຊາດ ຕົກລົງ “ດັດປັບບັນດາມາດຕະການລົງໂທດ“ ນີ້ ແລະ ຮຽກຮ້ອງໃຫ້ຄະນະກຳມະການລົງໂທດຂອງສະຫະຫະຊາຊາດ ຈົ່ງສ້າງບັນຊີລາຍຊື່ບັນດາສ່ວນບຸກຄົນ, ອົງການຈັດຕັ້ງ ພ້ອມກັບບັນດາປະເພດສິນຄ້າແມ່ນເປົ້າໝາຍຕ້ອງຖືກລົງໂທດໃຫ້ສຳເລັດ ຍື່ນສະເໜີຕໍ່ສະພາຄວາມໝັ້ນຄົງສະຫະຫະຊາຊາດ ໃນຮອບເວລາ 15 ວັນທີ່ຈະມາເຖິງ. ຖະແຫຼງການດັ່ງກ່າວກໍ່ກ່າວປະນາມວ່າ ການຍິງລູກສອນໄຟນຳດາວທຽມຂອງສາທາລະນະລັດ ປະຊາຊົນ ປະຊາທິປະໄຕເກົາຫຼີ ແລະ ຖືວ່າ ນີ້ແມ່ນການລະເມີດບັນດາມະຕິຂອງສະຫະຫະຊາຊາດ ຢ່າງຮ້າຍແຮງ.
