( ທຳນຽບເອກະພາບໃນມື້ປົດປ່ອຍພາກໃຕ້ຫວຽດນາມ )
ພາບປະກອບ
( vovworld ) – ເນື່ອງໃນໂອກາດສະເຫຼີມສະຫຼອງ 37 ປີແຫ່ງວັນປົດປ່ອຍພາກໃຕ້ຫວຽດນາມ ໂຮມປະເທດຊາດເປັນເອກະພາບ ( 30/4/1975 – 30/4/2012 ), ຕອນຄໍ່າວັນທີ 25/4, ຢູ່ແຂວງ Phu Tho ໄດ້ຈັດລາຍການພົບປະແລກປ່ຽນສະແດງສິລະປະດ້ວຍຫົວຂໍ້ວ່າ “ ຄວາມມຸ້ງຫວັງໄດ້ຮັບໄຊຊະນະ ”, ເພື່ອແນໃສ່ຕອບບຸນແທນຄຸນບັນດາວິລະຊົນ, ນັກຮົບທີ່ເສຍສະຫຼະຊີວິດເພື່ອພາລະກິດຕໍ່ສູ່ປົດປ່ອຍຊາດ ແລະ ໂຮມປະເທດຊາດເປັນເອກະພາບ. ຄໍ່າຄືນພົບປະແລກປ່ຽນໄດ້ແນະນຳກ່ຽວກັບຂະບວນການເດີນທາງໄປພາກໃຕ້, ກຳແພງເກົ່າ Quang Tri, ຄວາມຊົງຈຳກ່ຽວກັບສຸສານນັກຮົບເສຍສະຫຼະຊີວິດເພື່ອຊາດ Truong Son… ທີ່ນະຄອນຮ່າໂນ້ຍ, ແຕ່ວັນທີ 29/4 – 1/5, ໄດ້ດຳເນີນການສະແດງສິລະປະເພື່ອຮັບໃຊ້ໃຫ້ມະຫາຊົນຢູ່ບັນດາເມືອງ, ຕາແສງ ແລະ ສູນເບິ່ງແຍງດູແລຜູ້ມີຄຸນງາມຄວາມດີຕໍ່ປະເທດຊາດຂອງຮ່າໂນ້ຍ. ເນື່ອງໃນໂອກາດນີ້, ແຂວງ Hau Giang ໄດ້ຈັດຕັ້ງການພົບປະສ້າງສັນກັບອະດີດນັກຮົບເສນາຮັກ Can Tho – Hau Giang ທີ່ເຂົ້າຮ່ວມການຕໍ່ສູ້ຕ້ານອາເມລິກາ ກູ້ຊາດ, ຈັດພິທີສະຫຼອງ ແລະ ນຳບັນດາກິດຈະກຳກໍ່ສ້າງຄົມມະນາຄົມເຂົ້າໃຊ້ການ, ປຸກລະດົມຂະບວນການປູກຕົ້ນໄມ້.
