( vovworld ) – ວັນທີ 4/4, ທ່ານ Le Hong Anh ກຳມະການກົມການເມືອງ, ຜູ້ປະຈຳການຄະນະເລຂາໄດ້ມີການເຮັດວຽກກັບສະຫະສະມາຄົມວິທະຍາສາດ ແລະ ເຕັກນິກຫວຽດນາມ, ນະທີ່ນີ້, ທ່ານ Le Hong Anh ໄດ້ສະເໜີໃຫ້ ສະຫະສະມາຄົມຕ້ອງປະຕິບັດ 4 ໜ້າທີ່ຈຸດສຸມເພື່ອເສີມຂະຫຍາຍຄວາມສາມາດປະດິດສ້າງຂອງຖັນແຖວປັນຍາຊົນໃຫ້ສູງສຸດ. ຕາມນັ້ນແລ້ວ, ສະຫະສະມາຄົມຕ້ອງເອົາໃຈໃສ່ເຖິງວຽກງານສຶກສາການເມືອງ, ແນວຄິດ, ຊ່ວຍໃຫ້ປັນຍາຊົນວິທະຍາສາດ ແລະ ເຕັກໂນໂລຊີຮັບຮູ້ໄດ້ໜ້າທີ່ຂອງຕົນຕໍ່ປະເທດຊາດຢ່າງຢູ່ເລິກເຊິ່ງ; ເພີ່ມທະວີສາຍພົວພັນລະຫວ່າງຖັນແຖວປັນຍາຊົນກັບພັກ ແລະ ລັດ. ພ້ອມກັນນັ້ນ, ເຕົ້າໂຮມຖັນແຖວຜູ້ຊ່ຽວຊານ, ບັນດານັກວິທະຍາສາດ, ນັກຄຸ້ມຄອງຫົວຂະແໜງເພື່ອເປັນເສນາທິການໃຫ້ແກ່ພັກ, ລັດ ບັນດາບັນຫາໃຫຍ່ກ່ຽວກັບແນວທາງ, ແຜນນະໂຍບາຍ, ນະໂຍບາຍພັດທະນາປະເທດຊາດ. ທ່ານ Le Hong Anh ຊີ້ແຈງວ່າ ສະຫະສະມາຄົມຄວນສ້າງສະພາບແວດລ້ອມ ແລະ ບັນດາເງື່ອນໄຂສະດວກເພື່ອໃຫ້ຖັນແຖວປັນຍາຊົນນຳໜ້າໃນວຽກງານໂຄສະນາບັນດາຈຸດຍອດຢ້ຽມດ້ານພູນປັນຍາ ຂອງມວນມະນຸດໃນປະຊາຄົມ, ປະກອບສ່ວນຍົກສູງລະດັບຄວາມຮູ້ຂອງປະຊາຊົນຢ່າງແທດຈິງ; ນຳໃຊ້ບັນດາຄວາມກ້າວໜ້າຂອງວິທະຍາສາດເຂົ້າໃນການຜະລິດ ແລະ ຊີວິດການເປັນຢູ່, ເຂົ້າຮ່ວມວຽກງານບຳລຸງສ້າງ, ຄົ້ນຄວ້າວິທະຍາສາດ, ຖ່າຍທອດເຕັກໂນໂລຊີໃໝ່; ສ້າງຂະບວນການແຂ່ງຂັນປະດິດສ້າງວິທະຍາສາດເຕັກນິກໃຫ້ນັບມື້ນັບກວ້າງຂວາງໃນທົ່ວປະເທດນຳໃຊ້, ເຊີດຊູບັນດາປັນຍາຊົນທີ່ມີການປະກອບສ່ວນຢ່າງແທດຈິງ, ມີປະສິດທິຜົນເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ.
