ປະທານປະເທດ Truong Tan Sang ຝາກຈົດໝາຍໃນໂອກາດ 66 ປີແຫ່ງວັນມູນເຊື້ອປ້ອງກັນ, ຕ້ານພະຍຸ, ນ້ຳຖ້ວມ, ຫລຸດຜ່ອນໄພທຳມະຊາດ
( vovworld ) – ທ່ານປະທານປະເທດ ຫວຽດນາມ Truong Tan Sang ຫາກໍ່ຝາກຈົດໝາຍເຖິງປະຊາຊົນ ແລະ ນັກຮົບທົ່ວປະເທດ ເນື່ອງໃນໂອກາດລະນຶກ 66 ປີແຫ່ງວັນມູນເຊື້ອປ້ອງກັນ, ຕ້ານພະຍຸ, ນ້ຳຖ້ວມ, ຫລຸດຜ່ອນໄພທຳມະຊາດ (22/5/1946-22/5/2012). ໃນຈົດໝາຍ, ປະທານປະເທດ ຫວຽດນາມ Truong Tan Sang ເນັ້ນໜັກວ່າ, ເພື່ອເປັນເຈົ້າການ, ປ້ອງກັນ, ຕ້ານ, ຫລຸດຜ່ອນຜົນເສຍຫາຍໂດຍທຳມະຊາດ, ພະຍຸ, ນ້ຳຖ້ວມກໍ່ຂຶ້ນໃນລະດັບຕ່ຳສຸດ, ບັນດາຂັ້ນ, ຂະແໜງການ, ທ້ອງຖິ່ນຕ່າງໆ ພ້ອມກັບປະຊາຊົນ, ນັກຮົບທົ່ວປະເທດ ຕ້ອງຍົກສູງສະຕິຄວາມຕື່ນຕົວ, ຄວາມຮັບຜິດຊອບ, ສ້າງແຜນການ, ວິທີການປ້ອງກັນ, ຕ້ານໄພທຳມະຊາດຢ່າງເຂັ້ມງວດ, ພ້ອມກັບແຜນການພັດທະນາເສດຖະກິດສັງຄົມ. ພ້ອມກັນນັ້ນກໍຕ້ອງຮັບປະກັນຄວາມເປັນລະບຽບຮຽບຮ້ອຍໃນບໍລິເວນ; ຈັດຕັ້ງການປະສານສົມທົບກັນຢ່າງກົມກ່ຽວ, ແໜ້ນແຟ້ນລະຫວ່າງບັນດາກຳລັງ, ຮັບມືຢ່າງທັນການ, ມີປະສິດທິຜົນກັບທຸກໆກໍລະນີອາດຈະເກີດໄພທຳມະຊາດ.
