 ທ່ານນາງນາຍົກລັດຖະມົນຕີໄທ
ພາບປະກອບ:internet |
(vovworld)- ຕອນບ່າຍວັນທີ 17/4, ທ່ານນາງນາຍົກລັດຖະມົນຕີໄທ ຍິ່ງຣັກ ຊີນະວັດ ໄດ້ເດີນທາງເຖິງ ປັກກີ່ງ ເລີ່ມຕົ້ນການຢ້ຽມຢາມຈີນ ຢ່າງເປັນທາງການໃນເວລາ 3 ວັນ ເພື່ອຊຸກຍູ້ການພົວພັນຮ່ວມມືສອງຝ່າຍ. ນີ້ແມ່ນການຢ້ຽມຢາມຈີນເປັນຄັ້ງທຳອິດຂອງທ່ານນາງ ຍິ່ງຣັກ ນັບແຕ່ເມື່ອທ່ານນາງສາບານຕົວຮັບຕຳແຫນ່ງເປັນນາຍົກລັດຖະມົນຕີໄທ. ເມື່ອຕອບສຳພາດກ່ອນເດີນທາງຢ້ຽມຢາມຈີນ, ທ່ານສຸຣາພົງ ໂຕວິດຈັກໄຈຄູນ ລັດຖະມົນຕີການຕ່າງປະເທດໄທ ໃຫ້ຮູ້ວ່າ: ໃນໄລຍະຢູ່ຢ້ຽມຢາມຈີນ, ທ່ານນາງ ຍິ່ງຣັກ ຈະມີການພົບປະກັບການນຳຈີນ, ແລກປ່ຽນກ່ຽວກັບການພົວພັນສອງຝ່າຍກໍຄືບັນຫາສາກົນ ແລະ ພາກພື້ນ ຊຶ່ງຕ່າງຝ່າຍຕ່າງມີຄວາມສົນໃຈ. ສອງຝ່າຍຈະລົງນາມໃນເອກະສານຮ່ວມມືຫລາຍສະບັບ, ໃນນັ້ນ ລວມມີຂໍ້ຕົກລົງສ້າງການພົວພັນຮ່ວມມື, ຄູ່ຮ່ວມມືຍຸດທະສາດຮອບດ້ານສອງຝ່າຍ ເພື່ອນຳການພົວພັນລະຫວ່າງສອງປະເທດຂຶ້ນສູ່ໄລຍະພັດທະນາໃຫມ່.
