( vovworld ) – ຕອນບ່າຍວັນທີ 27/4, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີຫວຽດນາມ Nguyen Tan Dung ໄດ້ໃຫ້ການຕ້ອນຮັບທ່ານ Beranrd Weber, ປະທານ, ຜູ້ສ້າງຕັ້ງອົງການ New 7 Wonders, ເນື່ອງໃນໂອກາດທ່ານ Beranrd Weber ມາຫວຽດນາມ ເພື່ອເຂົ້າຮ່ວມພິທີມອບນາມມະຍົດສິ່ງມະຫັດສະຈັນທຳມະຊາດໃໝ່ຂອງໂລກໃຫ້ແກ່ອ່າວ Ha Long. ທ່ານນາຍົກລັດຖະມົນຕີ Nguyen Tan Dung ໄດ້ຕີລາຄາສູງແນວຄວາມຄິດຂອງທ່ານ Beranrd Weber ທີ່ໄດ້ປຸກລະດົມບັ້ນເຄື່ອນໄຫວທົ່ວໂລກເລືອກເຟັ້ນບັນດາສິ່ງມະຫັດສະຈັນທຳມະຊາດໃໝ່ຂອງໂລກ. ທ່ານນາຍົກລັດຖະມົນຕີໄດ້ຂອບອົກຂອບໃຈປະຊາຊົນຢູ່ພາຍໃນປະເທດກໍຄືເພື່ອນມິດສາກົນທີ່ໄດ້ໃຫ້ການສະໜັບສະໜູນ ແລະ ເຂົ້າຮ່ວມການເລືອກເຟັ້ນອ່າວ Ha Long ໃຫ້ກາຍເປັນໜື່ງໃນບັນດາມະຫັດສະຈັນທຳມະຊາດໃໝ່ 7 ແຫ່ງຂອງໂລກ ແລະ ປາດຖະໜາວ່າ New 7 Wonders ສືບຕໍ່ສະໜັບສະໜູນຫວຽດນາມ ໃນບັນດາບັ້ນເຄື່ອນໄຫວ ແລະ ໂຄງການທົ່ວໂລກຂອງຕົນ, ພິເສດແມ່ນບັນດາບັ້ນເຄື່ອນໄຫວກ່ຽວກັບການໂຄສະນາການທ່ອງທ່ຽວ ເພື່ອແນໃສ່ດຶງດູດບັນດາເພື່ອນມິດສາກົນມາຢ້ຽມຢາມຫວຽດນາມ. ທ່ານນາຍົກລັດຖະມົນຕີໄດ້ຢືນຢັນວ່າ, ຫວຽດນາມ ໄດ້ກຽມພ້ອມການຮ່ວມມືກັບ New 7 Wonders ໃນການເຊື່ອນຕໍ່ສິ່ງມະຫັດສະຈັນທຳມະຊາດໃໝ່ 7 ແຫ່ງຂອງໂລກ ກໍຄືບັນດາທິວທັດທຳມະຊາດໃນທົ່ວໂລກ, ພ້ອມກັນມານະພະຍາຍນາມກໍ່ສ້າງໂລກໜື່ງແຫ່ງສັນຕິພາບ, ຮ່ວມມື, ມິດຕະພາບ ແລະ ພັດທະນາ…
