( vovworld ) – ຕອນບ່າຍວັນທີ 16/4, ຢູ່ຮ່າໂນ້ຍ, ເມື່ອຕ້ອນຮັບເຈົ້າແຂວງ Aichi, ຍີ່ປຸ່ນ, ທ່ານ Hideaki Uhmura ພ້ອມກັບຄະນະນັກທຸລະກິດແຂວງ Aichi ມາຢ້ຽມຢາມ ແລະ ເຮັດວຽກຢູ່ຫວຽດນາມ, ທ່ານນາຍົກລັດຖະມົນຕີ Nguyen Tan Dung ໄດ້ເນັ້ນໜັກວ່າ, ຍາມໃດຫວຽດນາມ ກໍຖືເປັນສຳຄັນການພົວພັນຮ່ວມມືກັບຍີ່ປຸ່ນ, ມານະພະຍາຍາມພ້ອມກັບຍີ່ປຸ່ນ ເພື່ອພັດທະນາການພົວພັນຂອງສອງປະເທດໃຫ້ເປັນຄູ່ຮ່ວມມືຍຸດທະສາດໝັ້ນຄົງ ແລະ ຍາວນານ. ທ່ານນາຍົກລັດຖະມົນຕີປາດຖະໜາວ່າ ແຂວງ Aichi ຈະເພີ່ມທະວີການພົບພັນຮ່ວມມືກັບຫວຽດນາມ ໃນບັນດາຂົງເຂດຄື ສາທາລະນະສຸກ, ການສຶກສາ, ທ່ອງທ່ຽວ, ວັດທະນະທຳ ແລະ ພົບປະແລກປ່ຽນປະຊາຊົນ. ລັດຖະບານຫວຽດນາມ ຈະສ້າງທຸກເງື່ອນໄຂສະດວກໃຫ້ແກ່ການພັດທະນາບັນດາການເຄື່ອນໄຫວຮ່ວມມືເສດຖະກິດ, ການຄ້າ, ການລົງທຶນ ແລະ ການທ່ອງທ່ຽວລະຫວ່າງແຂວງ Aichi ກັບທ້ອງຖິ່ນຕ່າງໆຂອງຫວຽດນາມ.
ທ່ານ Hideaki Uhmura ໄດ້ຢືນຢັນວ່າ ຈະສືບຕໍ່ຜັນຂະຫຍາຍ, ບັນດາມາດຕະການແກ້ໄຂເພື່ອຊຸກຍູ້ການພົວພັນຮ່ວມມືດ້ານສຶກສາ, ສາທາລະນະສຸກ, ການທ່ອງທ່ຽວ ແລະ ອື່ນໆ ລະຫວ່າງແຂວງ Aichi ແລະ ຫວຽດນາມ ໃນໄລຍະທີ່ຈະມາເຖິງຢ່າງເລິກເຊິ່ງກວ້າງຂວາງ ແລະ ມີປະສິດທິຜົນ, ສ້າງເງື່ອນໄຂສະດວກເພື່ອນັບມື້ນັບມີນັກຮຽນ, ນັກສຶກສາຂອງຫວຽດນາມ ຫຼາຍຄົນໄປຮໍ່າຮຽນຢູ່ແຂວງ Aichi.
