 |
(vovworld) - ທ່ານນາຍົກລັດຖະມົນຕີລັດເຊຍ Vladimia Putin ຜູ້ຫາກໍ່ໄດ້ຮັບການຮັບຮູ້ວ່າແມ່ນປະທານາທິບໍດີລັດເຊຍ ຕາມໝາກຜົນແຫ່ງການເລືອກຕັ້ງໃນເບື້ອງຕົ້ນທີ່ປະກາດໃນວັນທີ 6/3 ໄດ້ເວົ້າວ່າ: ຄວນດຳເນີນການສືບສວນບັນດາກໍລະນີລະເມີດໃນການເລືອກຕັ້ງປະທານາທິບໍດີຢູ່ລັດເຊຍຜ່ານມາ. ຄຳຖະແຫລງດັ່ງກ່າວຂອງນາຍົກລັດຖະມົນຕີ Putin ຖືກຍົກອອກມາ ເມື່ອທ່ານມີການຢ້ຽມຢາມສູນຕິດຕາມກວດກາການເລືອກຕັ້ງລັດເຊຍ ປີ 2012 ແລະ ມີການພົບປະກັບບັນດານັກສັງເກດການຢູ່ທີ່ນີ້. ຕາມບັນດານັກສັງເກດການແລ້ວ, ແຕ່ວັນທີ 4/1 ຫາວັນທີ 4/3 ຜ່ານມາ, ເຂົາເຈົ້າໄດ້ຮັບປະມານ 4.500 ແຈ້ງການກ່ຽວກັບການລະເມີດໃນການເລືອກຕັ້ງຢູ່ລັດເຊຍ. ເຖິງຢ່າງໃດກໍຕາມ, ຂ່າວຄາວສ່ວນຫລາຍລ້ວນແຕ່ບໍ່ມີພະຍານຫລັກຖານ. ຕາມບັນດານັກສັງເກດການແລ້ວ, ການເລືອກຕັ້ງຢູ່ລັດເຊຍ ໄດ້ດຳເນີນໄປຢ່າງຖືກຕ້ອງ ແລະ ສອດຄ່ອງກັບກົດໝາຍຂອງສະຫະພັນລັດເຊຍຢ່າງສິ້ນເຊິງ.
