 ໂຄງການກໍ່ສ້າງໂຮງໄຟຟ້ານ້ຳຕົກເຊີນລາ
(ພາບ : internet) |
Vovworld- ຕອນບ່າຍວັນທີ 12 ເມສາ, ທ່ານປະທານປະເທດຫວຽດນາມ Truong Tan Sang ພ້ອມດ້ວຍຄະນະປະຕິບັດງານສູນກາງໄດ້ລົງຢ້ຽມຢາມ ແລະ ເຮັດວຽກຢູ່ແຂວງ ເຊີນລາ. ເມື່ອເຮັດວຽກກັບຄະນະຄຸ້ມຄອງໂຄງການກໍ່ສ້າງໂຮງໄຟຟ້ານ້ຳຕົກເຊີນລາ, ທ່ານປະທານປະເທດຫວຽດນາມ Truong Tan Sang ໄດ້ຮັບຟັງການລາຍງານ ກ່ຽວກັບສະພາບການປະຕິບັດໂຄງການ. ທ່ານປະທານປະເທດຫວຽດນາມ Truong Tan Sang ເນັ້ນໜັກວ່າ ໂຄງການກໍ່ສ້າງໂຮງໄຟຟ້ານ້ຳຕົກເຊີນລາ ສະແດງໃຫ້ເຫັນສະຕິປັນຍາ, ຄຸນນະທາດ ແລະ ກຳລັງພາຍໃນ ຂອງຫວຽນາມ. ທ່ານປະທານ Truong Tan Sang ໄດ້ຕີລາຄາສູງການອຸທິດສ່ວນຂອງປະຊາຊົນນັບໝື່ນຄອບຄົວໃນບໍລິເວນກໍ່ສ້າງໂຄງການ ທີ່ໄດ້ອອກຈາກບ້ານເກີດເມືອງນອນ ຍົກຍ້າຍໄປຕັ້ງຖິ່ນຖານຢູ່ແຫ່ງອື່ນເພື່ອມອບດິນໃຫ້ແກ່ ໂຄງການກໍ່ສ້າງ. ທ່ານປະທານປະເທດຫວຽດນາມ Truong Tan Sang ຖືວ່າ ຕໍ່ໜ້າຄວາມຮຽກຮ້ອງຕ້ອງການທາງດ້ານພະລັງງານໄຟຟ້າພວມເພີ່ມຂຶ້ນ, ຄວາມມານະພະຍາຍາມຂອງໝູ່ຄະນະພະນັກງານກຳມະກອນສັງກັດ ໂຄງການກໍ່ສ້າງໂຮງໄຟຟ້ານ້ຳຕົກເຊີນລາ ສູ້ຊົນເຮັດສຳເລັດໄວກ່ວາ 3 ປີຕາມແຜນການ ປະກອບສ່ວນເຂົ້າໃນການຊຸກຍູ້ພາລະກິດພັດທະນາຂອງປະເທດຊາດ.
