 ( ພາບ: baocongthuong.com.vn )
|
( vovworld ) - ວັນທີ 13/3, ຢູ່ສຳນັກງານປະທານ, ທ່ານປະທານປະເທດ ເຈືອງເຕີນຊາງ ໄດ້ໃຫ້ການຕ້ອນຮັບເອກອັກຄະລັດຖະທູດ ສ. Mozambique ເຂົ້າຢ້ຽມອຳລາເນື່ອງໃນໂອກາດສິ້ນສຸດການປະຕິບັດໜ້າທີ່ການທູດຢູ່ຫວຽດນາມ. ທີ່ການຕ້ອນຮັບ, ທ່ານປະທານປະເທດ ເຈືອງເຕີນຊາງ ໄດ້ຢືນຢັນວ່າຢາມໃດ ຫວຽດນາມ ກໍ່ຖືການຊຸກຍູ້ສາຍພົວພັນຮ່ວມມືຫຼາຍດ້ານກັບ Mozambique ເປັນສຳຄັນ ແລະ ຖື Mozambique ແມ່ນຄູ່ຮ່ວມມືທີ່ສຳຄັນຂອງຫວຽດນາມ ຢູ່ອາຟຮີກາ. ທ່ານປະທານປະເທດປາດຖະໜາວ່າ ສອງຝ່າຍຈະຈັດຕັ້ງຜັນຂະຫຍາຍບັນດາຜົນງານເຊິ່ງບັນລຸໄດ້ໃນກອງປະຊຸມຄັ້ງທີ 2 ຄະນະກຳມະການປະສົມລະຫວ່າງຫວຽດນາມ - Mozambique ໃນປີ 2011 ໃຫ້ດີ, ພ້ອມທັງກວດກາຄືນໃໝ່ເພື່ອເພີ່ມທະວີການຮ່ວມມືໃນຫຼາຍຂົງເຂດ. ເນື່ອງໃນໂອກາດນີ້, ທ່ານປະທານປະເທດກໍສະເໜີໃຫ້ລັດຖະບານ Mozambique ສ້າງເງື່ອນໄຂສະດວກໃຫ້ແກ່ບັນດາໂຄງການລົງທຶນໃນຂົງເຂດໂທລະຄົມ, ກະສິກຳ… ຂອງວິສາຫະກິດຫວຽດນາມ ຢູ່ Mozambique, ປະກອບສ່ວນຍົກວົງເງິນການຄ້າສອງສົ້ນໃຫ້ບັນລຸລະດັບ 1 ຕື້ USD ໃນໄລຍະທີ່ຈະມາເຖິງ.
